PU HUECHEQUECHE ÑI RAMTUQUEEL
¿Chem pengeli tañi tucutuhun?
¿Chumngelu fente falin-ngei chumngechi taiñ tucutuucülen? Chumngechi taiñ tucutuucülen pengelquei chumngechi chengeiñ. Tami tucutuhun, ¿chem pengeli?
Cüla huelulcan raquiduam tati ropa mu ca chumngechi famentuafuiñ
Hunen huelulcan: Feyentungequei ñi feipin tati publicidad taiñ dullial taiñ ropa.
Quiñe üllcha domo Theresa pingelu, feipi: “Pefilu tati publicidad, ayüquefiñ tati ropa. Pefilu pütrün che chumngechi ñi tucutuucülen, ca femngechi femqueiñ”.
Puque üllchaque domo müten inaquelafi tati publicidad. Ca huecheque huentru femquei. Chumngechi feipi quiñe lifru, “tati huecheque huentru ca inaquei tati moda, pichiqueche cütu deumalelngei tati publicidad” (tati lifru The Everything Guide to Raising Adolescent Boys).
Quiñe doi cüme dungu. Biblia ta feipi: “Ti quimchengenolu feyentuquei com ñi feipingeel, huelu ti adümuhun-ngelu cüme raquiduamquei tañi chem chumal” (Proverbios 14:15). Feimu cüme ngüneduamnge chem feipieimu tati publicidad. Feimu pefilmi tati publicidad mu rume yehuen-ngechi ropa, ramtuunge:
“¿Inei cümelcayafeyu tuculi feichi ropa?”
“¿Chem piafui feichi ropa iñche mu?”
“Tuculi feichi ropa, ¿pengelafui tañi rüf ineingen?”
Quiñe ngülam: Ngüneduamnge quiñe semana mu chem tucutuhun pengelngequei tati publicidad mu. ¿Chem mongen pengelngequei? ¿Raquiduameleimu tami yenieal feichi tucutuhun ca mongen? Quiñe üllcha domo Karen pingelu, feipi: “Ngüchaltucungequeiñ taiñ nieal quiñe cüme cuerpo ca quiñe cüme tucutuhun. Deumaquelu publicidad quimnieingün puque huechequeche cüdaungelai ñi femal tañi feipingeel”.
Epu huelulcan: Dullial quiñe tucutuhun ñi femal caquelu che reque.
Quiñe hueche huentru Manuel pingelu, feipi: “Tripalu quiñe hue tucutuhun, com pu huechequeche femngechi tucutuuquei. Tati femnolu, huesa dunguyengequei”. Quiñe üllcha domo Anna pingelu, feipi: “Puque hueche dulliquelai ropa tañi ayüqueel, doi mai femngechi tucutuuquei ñi nieal hueni”.
Quiñe doi cüme dungu: Biblia feipi: “Inaquefilmün fantepu meu mülechi mapu tuhun huimtun” (Romanos 12:2). Chumngechi feipi tüfachi ngülam, pefinge chem tucutuhun nieimi ca ramtuunge:
“¿Chem raquiduamquen dullilu tañi tucutuhun?”
“¿Rume falintuquen ñi tucutuhual cümeque tucutuhun?”
“¿Pengelquen pu che mu chumngechi tañi falin tucutuucülen?”
Quiñe ngülam: Raquiduamlayaimi ñi mülen epu dungu müten: miyahual chumngechi miyauquei pu che cam cuifique ropa. Doicülei ñi cüme duamcüleal tami tucutuhun mu. Cüme duamliyiñ taiñ tucutuhun mu, falintulayafiyiñ chem pin caquelu che taiñ ropa mu.
Cüla huelulcan: Tati ropa pilol reque miyauquelu doi cümei troquingequei.
Quiñe üllcha domo Jennifer pingelu, feipi: “Quiñeque mu cüpa tucutuuquen pilolcülechi ropa”.
Quiñe doi cüme dungu: Biblia feipi: “Eluulayaimün tamün rume adcaleal, [...] doi mai rume fali chem ñi nieel tamün piuque mu” (1 Pedro 3:3, 4; TNM). Tami inayafiel tüfachi ngülam, raquiduamnge chem doi cümei: tami ropa cam cüme chengeal.
Quiñe ngülam: Doi adelcalei ñi ñom chengeal. Fachantü falintungequelai ñom chengen, huelu ngüneduamnge:
Quiñe che quisu püramcaulu, caquelu che lefmauquei. Ca femngechi rupayafui tucutuhulmi pilol ropa mu. Tucutuhulmi feichi ropa, pu che raquiduamafui tami mallma chengen cam tami falintuuquenon. Ca raquiduamafui pu che tami pengeluhual müten.
Tati tucutuhun quiñe nütram reque felei. Hunencauliyiñ, pu che lefmahuafui.
Pengeluulayaimi caque chumngen mu, doi mai pengelaimi tami ñom chengen. Quiñe üllcha domo Monica pingelu, feipi: “Cüme tucutuhulmi, raquiduamlayaimi tami miyahual tami chuchu reque. Doi mai, pengelaimi tami quisu yamuuquen ca yamquefimi caquelu che”.
Eimi ca ayüafuimi
PU HUECHEQUECHE ÑI FEIPIN
¿Chumngelu fente duamtuuquen ñi chumngechi adngen?
Quimnge chumngechi tami ngünenieal tami raquiduam.
PU HUECHEQUECHE ÑI FEIPIN
Pu huechequeche ñi feipin: ¿Chumngechi adngen iñche?
Quiñeque hueche fill raquiduamcülei tañi chumngechi adngen mu. ¿Chumngelu? ¿Chem quelluafeimu tami cüme raquiduam nieal tüfachi dungu mu?
