DUNGU 03
¿Maneluhuabüimi Biblia mu?
Biblia eluqui alün maneluhun ca eluqui alün ngülam. Eimi ayüabüimi quimal chem pin Biblia, huelu nehue maneluulaabüimi. ¿Eimi maneluhuabüimi tübachi cuibingechi libru mu? ¿Mupitupeabüimi mai (beyentupeabüimi mai) tami eipin Biblia tami nieal ayühun abquenolu? Alün che bemqui, eimi cabei bemabüimi.
1. Cuibingechi pu che ñi upan mu mülelu Biblia mu, ¿rübngepi mai?
Biblia eipi tañi ‘huirintucungen tati rüb dungu’ (Eclesiastés 12:10). Ngütramcai rübngen cuibingechi che ñi upan mu (papiltunge Lucas 1:3; 3:1,2). Biblia ngütramcalu cuibingechi che ñi upan mu, cabei eipi iñi tañi upan, cheu ñi upan ca chumül ñi upan. Bei pengeli tañi rübngen ñi upan mu.
2. ¿Chemu maneluhuabüiñ Biblia mu, cuibingechi librungebüle ume?
Biblia mu huirintucungi quiñeque dungu petu ñi quimngequenobel, beimu pu che mupituquelabüi, huelu quimngepoi tañi rübngen. Biblia tañi eipin “manelbalngequi, beula ca üyepülemu”, cüpalechi antü mu (Salmo 111:8).
3. ¿Chemu maneluhuabüiñ Biblia ñi eipin chem ñi upaal?
Biblia nii pelon dungu a cheu eipi “dungu petu ñi bemngenon” (Isaías 46:10). Cüme eipicünoi alün dungu tañi upaal petu ñi upanon mu. Billque dungu tañi upalen Mapu mu, huirintucucünongi Biblia mu. Tübamu peaiñ quiñeque pelon dungu mülelu Biblia mu. Pebiliiñ chumngechi tañi rüb tripan, amatulehueaiñ.
DOI CÜME QUIMNGE
Pebinge Biblia ngütramcayüm ciencia dungu, rüb eipiqui. Cüme quimnge quiñeque amatubalchi pelon dungu mülelu Biblia mu.
4. Biblia ngütramcayüm ciencia dungu mu, rüb eipiqui
Cuibi mu alün che raquiduamquebüingün tati Mapu mülen recüluucülen huente quiñeque culliñ mu. Quintulbe tati VIDEO.
Pebinge Job ñi libru eipi cuibi mu 3.500 tripantu mu. Papiltoiñ Job 26:7. Papiltungele hula ngütramcaabiiñ tübachi ramtun:
-
Biblia tañi eipin mu cuibi, Mapu ñi pültrülen chem mu no ume, ¿chemu amatubali?
Cuibi mu pu che quimquelabüi chemu abquenobel co. Beula quimngi, huelu Biblia eipiuyebüi petu ñi quimngenobel. Papiltoiñ Job 36:27, 28. Papiltungele hula ngütramcaabiiñ tübachi epu ramtun:
-
Biblia eipiqui chemu ñi abquenon tati co, ¿chemu amatubali tüba?
-
Tati huirin tami papiltupel Biblia mu, ¿quelluqueimu (incaqueimu) tami doi maneluhual?
5. Biblia eipicünoi chem amatubalchi dungu ñi upaal
Papiltoiñ Isaías 44:27, 28 ca 45:1, 2. Papiltungele hula ngütramcaabiiñ tübachi ramtun:
-
¿Chem eipicünoi Biblia petu ñi upanon 200 tripantu chumngechi ñi nüngeal Babilonia pingechi huariba?
Biblia tañi eipicünon bei upai 539 tripantu mu petu cüpanolu Jesús. Ciro tati loncolelu Persia pingechi mapu ca tañi pu hueichabe nübingün Babilonia pingechi huariba. Catrütubi engün tati leubü, beimu hula noingün. ¿Chumngechi coni engün? Nülacünongi tati conhue. Nal-lai engün ume, nüngi tati huariba. Upai 2.500 tripantu Babilonia ñi apümcangen, petu iñi ume ca chem ume mülelai. Peaiñ ca chem eipicünoi Biblia.
Papiltoiñ Isaías 13:19, 20. Papiltungele hula ngütramcaabiiñ tübachi ramtun:
-
¿Chumngechi bemtripai tati pelon dungu?
Iñi no ume ca chem no ume mülehuelai Babilonia, Irak pingechi mapu mu.
6. Tati dungu ñi upalen huiriconcüli Biblia mu
Biblia eipi tañi püchülehuen ñi abal tati huedaque dungu (2 Timoteo 3:1). Peaiñ chem pin Biblia chem ñi upaal.
Papiltoiñ Mateo 24:6, 7. Papiltungele hula ngütramcaabiiñ tübachi ramtun:
-
¿Chem eipicünoi Biblia ñi upaal petu ñi abnon tati huedaque dungu?
Papiltoiñ 2 Timoteo 3:1-5. Papiltungele hula ngütramcaabiiñ tübachi epu ramtun:
-
¿Chem pi Biblia ñi chumngeal pu che petu ñi abnon huedaque dungu?
-
Biblia ñi eipicünol chumngeal pu che, ¿chuchi bemngen pequimi?
QUIÑEQUE CHE EIPIQUI: “Biblia huentru huirintucubi”.
-
¿Eimi chem raquiduamquimi? ¿Chemu maneluhuabüimi Biblia mu?
CHEM PEIÑ TÜBAMU
Cuibique dungu ñi upan, ciencia dungu ca tati pu pelon dungu, pengeli tañi maneluhual Biblia mu.
Chem quimeleleiñmu tüba
-
Biblia ñi eipiquen chem ñi upan, ¿rübngepi mai?
-
¿Chemu eipiabüiñ Biblia ngütramcayüm ciencia dungu rübngi?
-
¿Chemu maneluhuabüiñ Biblia tañi pelon dungu mu? ¿Eimi maneluhuabüimi?
DOI QUIMABÜIMI
¿Chumngechi quimiiñ tañi püchülehuen ñi abal tübachi huedaque dungu?
“6 pelon dungu mülelu Biblia mu bemtripali” (Ti Huerquen 1 mayo, 2011)
Quimnge chumngechi tati pelon dungu Grecia pingechi mapu mu Biblia mu tripalu, rüb tripai.
Quimnge chumngechi quiñe huentru cacünotui tañi raquiduam Biblia mu, pelu tati pelon dungu.
a ¿Chem am pelon dungu? Billque huercün dungu cüpalu Chau Ngünechen mu, bemngechi eipiqueiñmu chem ñi upaal.
Peabüimi ka bemngechi dungu:
BILLKE RAMTUN
¿Chumngechi quimelquiiñ Biblia?
Quimeltungelmi quiñe Dunguquelu, papiltuabüimi chem traducción Biblia mu niimi ume. Mangelabüimi com tami pu che, tami pu hueni, ca iñi ume ayüabüimi.
