Chaw Dio pekebi kom dungu ka pewbaluwki tañi newen chumül pile ume (Proverbios 15:3; Hebreos 4:13). Kabei, Biblia eipi Chaw Dio kiñe püllü ngi ka nieki chew tañi müleal. Welu, Chaw Dio müleki kom püle, pilai Biblia.

•   Chumngeki Chaw Dio: Chaw Dio kiñe püllü ngi (Juan 4:24). Beimu iñchiñ pekelabiiñ (Juan 1:18). Biblia ñi ngütram mu, taiñ Bütra Chaw nieki kiñe mülen. Biblia eipilai kidu müli kom püle (Isaías 6:1, 2; Apocalipsis 4:2, 3, 8).

•   Chew müleki: Biblia eipi Chaw Dio müleki “wenu mapu mu” (1 Reyes 8:30). Beimu Chaw Dio mülelai mapu mu, pu wangülen mu, ka universo mu. Biblia tañi ngütram eipi pu püllü koni “chew müleki Jewba”. Mai, Chaw Dio nieki kiñe mülen (Job 1:6).

Mülenole Chaw Dio kom püle, ¿inaduamnepeiñmu mai?

 Mai. Chaw Dio müleki wenu mapu mu ka kimni kom dungu upalelu pu che mapu mu. Beimu kom pu che newentukelu tañi mupitol Chaw Dio pekeeyu ka kellueyu (1 Reyes 8:39; 2 Crónicas 16:9). Beimu, ¿chumngechi inaduamneiñmu?

•   Ngillatuliiñ: Jewba pür allkütuñmakeiñmu taiñ ngillatun (2 Crónicas 18:31).

•   Weñangküleliiñ: Biblia eipi: “Jewba müleki inapüle tati pu kutrantupiwkelelu ka newentukebi tati pu weya duamkülelu” (Salmo 34:18).

•   Duamliiñ ngülam: Jewba elukeiñmu kimün ka ngüyultukukeiñmu chew taiñ amual kidu tañi dungu mu, mülelu Biblia mu (Salmo 32:8).

Welulkawkülechi dungu chew tañi mülen Chaw Dio

 Kiñeke mupikingün: Salmo 139:8 eipi: “Amuli wenu mu, beimu müleabüimi; amuli eltun mu, tiye mu, ka bemngechi müleabüimi”. Beimu Chaw Ngünechen müli kom püle.

 Tati rüb dungu: Tübachi texto eipilai Chaw Dio müli kom püle. Tübachi ülkatun pengelki taiñ Bütra Chaw pekeiñmu ka kelluabeiñmu chew ume müleliiñ.