INU NKWEEN̄ 03

Ire Omokọt Itoon̄ Ejit Me Lek Baibul?

FIT

Baibul iben owuwa use mè nteme. Mokọt ire ibe ke okaan̄ ulọk irọriọọn̄ inu ikebijeen̄, ire, omokọt ikikaan̄ cheche. Ire omokọt itoon̄ ejit me lek use mè nteme onan̄a me emen ikpa keyi okukup ifiin̄ ni? Ire omokọt ichieek me lek inu Baibul otumube ofolek inwọnwọọn̄ ugwem mgbọ keyi mè mgbọ okup me isi ni? Efie efie ebi ene mekirọ ikeya. Eji ekibe mè owọlọ okpọ onyi lek kwun̄.

1. Ukpatu okup me emen Baibul ire atikọ sa ire urọk ikike?

Baibul iben usem “òtatat mè ire atikọ.” (Ogwu Etip 12:10) Ikpa mfufuk ofolek ebilene ebi ichuchubọk iluk ugwem. (Fuk Luk 1:3; 3:1, 2.) Owuwa ebi ikikween̄ mkpọ ofolek mfufuk mibieen̄ inye ibe ke usen, ebi ene, ere mè mkpọ ekpabe me emen Baibul ire atikọ.

2. Keke orọ eji ebetumu ibe ke inu okup me emen Baibul ikanin̄ oka?

Me owuwa irek, Baibul ikitumu inu ebi iluluk me mgbọ ya ekariọọn̄be ijaan̄. Kubọk mkpọ njeen̄, itumu mkpọ ofolek science, eyi owuwa ene ebi iluk me mgbọ ya ekachieekbe me lek. Ire, ebi science me chereyi mibieen̄ inye ibe ke inu Baibul otumube ire atikọ. Me atikọ, inu Baibul otumube “mokup ire mgbọ geelek.”—Okwa Itọn̄ 111:8.

3. Keke orọ eji ebekọt itoon̄ ejit me lek mkpọ Baibul otumube ofolek mgbọ okup me isi?

Baibul iben nriran a ofolek “inu okinu me isi.” (Asaya 46:10) Ikitumu inu oborọ me isi sabum inu cha onobọkọ irek. Ikpa si inu okibọkọ irek me chereyi. Me emen inu nkween̄ yi, eji mewọlọ usini me lek nriran Baibul chi ikpọ. Nrọ-nso nriran chi ikup uyeke uyeke enenen!

KWEEN̄ GBAALEK

Wọlọ kpọ ike science osabe ije itat me lek Baibul mè kween̄ usini nriran Baibul okitop ene me lek.

4. Science ije itat me lek Baibul

Me ukot ikaan̄, owuwa ene echieek ibe ke ikaan̄ mkpọ esabe irak linyọn̄ yi. Fit FIDIO yi.

FIDIO: Linyọn̄ Yi Ikajeen̄ Me Lek Inu Geege (1:13)

Taba iman̄ me lek inu egebe me ikpa Jobu me mkpọ oraraka obop acha ita mè efit go. Fuk Jobu 26:7, mè igbaan̄ ikpa idodo yi:

Keke orọ usem obe ke linyọn̄ yi “ìkajeen̄ me lek inu geege” okupbe uyeke uyeke?

Ire mkpọ obet lek efit acha iba oraraka ke ebi ene enigobo itet ubọk mun̄ okisa ije. Ire, taba iman̄ me lek inu Baibul otumube obop obop acha oraraka. Fuk Jobu 36:27, 28, mè igbaan̄ ikpa idodo chi:

Keke orọ ubọk Baibul osabe ikpa ubọk mun̄ okije okupbe uyeke uyeke?
Ire ere yi ofukbe irọ mè utoon̄-ejit kwun̄ me lek Baibul inye ni?

5. Baibul ikpa mkpọ oborọ me isi

Fuk Asaya 44:27–45:2, mè igbaan̄ ikpa idodo yi:

Keke ke Baibul otumu efit acha iba oraraka sabum enifiat Babilọn?

Fit FIDIO yi.

FIDIO: Baibul Iben Nriran Ibe Ke Mefiat Babilọn (0:58)

Mfufuk ibieen̄ inye ibe ke Sarọs ogwu ubọọn̄ Persia mè ebi akọn̄ kan̄ etim igak Babilọn me 539 B.C.E. b Ema mirọ mè okwaan̄ okup ikana ama ya ichiaak. Ema enin̄ ama ya me otunchit egwukube ibook mè ibọkọ ama ya mè ekatimge akọn̄. Iraka obop acha iba mè efit acha go efiatbe Babilọn, ama ya ikup ukpọk ukpọk. Mgbọ keyi, kpọ-nu inu Baibul otumube.

Fuk Asaya 13:19, 20, mè igbaan̄ ikpa idodo yi: