INU NKWEEN̄ 44
Ire Otutuuk Ijọk Okineme Awaji Ni?
Jioba iweek ibe eji ekenwọọn̄ ugwem mè ekerie ijọk usini mgbọ. Ire, ire otutuuk ijọk okineme ọmọ ni? Ike owa ke eji ebesa ijeen̄ ima kiji me lek Jioba me lek inu yi ni?
1. Keke orọ owuwa ijọk ikakineme Jioba?
Mokọt ike owu chieen̄ irọriọọn̄ ibe ke owuwa ijọk iyaka imaan̄ me lek ijejeen̄ ataak mè iyaka ire, ikaan̄ mgbaan̄ me lek uwu uriaak ataak. Ema mekọt ikaan̄ mgbaan̄ si me lek ijo ekwukwu mè iyaka ire, iyaka imaan̄ me lek ijejeen̄ obe ke ibot ejit ikakikwu. Usini ijọk chi ikibieen̄ nchieek me lek awaji atisi inye. (Asaya 65:11) Jioba itaba ebi usun̄ kan̄ ubọk me utọn̄ ibe: “Inan̄a isibi me etete kiban̄. . . . Ikatet ubọk me lek inu geege ikatanage me isi Awaji.”—Ebi Kọrint Eyi Òso Iba 6:17. a
2. Ike owa ke Jioba okimun̄ ijọk okinyi ebilene umin ikagbege?
Jioba itaba eji ubọk me utọn̄ ibe eji ekasa “ebilene itoon̄ ejit.” (Fuk Jerimaya 17:5.) Usini ijọk ikimin ebi mkpulu mè iyaka ire ebi akọn̄. Usini si ikimin inu okeke ichit chieen̄ ido mè iyaka ire usen ido okaan̄be nkaan̄-lek. (Jọn Eyi Adasi 5:21) Igbaalek si, usini ikibieen̄ ogbo ebi mkpulu mè iyaka ire ebi ikigbini unen ebi ene inye. Ike owa ke ibokup me lek Jioba ire eji ikinyi ene mè iyaka ire ntitiin̄ umin ikagbege, ogak ge, eyi okibieen̄ inu ojeje ntikwo me lek nkeek kan̄ inye ni?
3. Eru echi owa oborọ ibe ijọk isak me chieen̄ Awaji?
Baibul itumu ikeme ‘ikekinwọ miin̄ isa, mè ikekifit ijo ifit miin̄, mè ikekisa lek inyi uga ijọk miin̄.’ (Pita Eyi Adasi 4:3) Me usini ijọk, ebi ene kpekikaan̄ ntet-lek, ekirọ si eru barabat. Inyi eji ere ebi unene Jioba, igbe ibe eji esan̄a lek esan̄a me lek eru ikatanage.
KWEEN̄ GBAALEK
Kween̄ ubọk obosa ikirọ inyi Jioba ikibele ejit sa me ikekirọ ata ntumu-mfieek ofolek ijọk.
4. Jit ijọk echi ikakimin Jioba
Fuk Ebi Efesọs 5:10, mè igbaan̄ ikpa idodo chi:
-
Keke ke eji eberiọọn̄ ijaan̄ sabum eji enetumu efieek mè eji megọọk itap lek me lek ijọk?
-
Kpasi ijọk ke ebi ene ekimalek irọ me agan̄ olukbe?
-
Ire okeek ibe ijọk chi ikekineme Jioba ni?
Kubọk inu njeen̄, ire owuuk lek ikeek ubọk ijọk isasa ikeek usen iman ene okikup me lek Awaji ni? Baibul ikatumu mkpọ ofolek ebi usun̄ Jioba ikekeek usen emanbe ema, ire, itumu mkpọ ofolek ijọk usen iman ene iba ebi kpekitọbọ ebum inyi Ọmọ. Fuk Ibebene 40:20-22 mè Matiyu 14:6-10. Mè igbaan̄ ikpa idodo chi:
-
Keke orọ me ijọk usen iman ene iba chi?
-
Igọọk me lek mfufuk Baibul chi, ike owa ke okeek ibe ke Jioba okimun̄ ijọk usen iman ene?
Ire, omokọt ikikeek ibe, ‘Ire ichubọk ikup ufiak inyi Jioba mè ire ntap lek me lek usen iman ene mè iyaka ire ofifi ofifi ijọk ikajege ikike me lek Baibul ni? Fuk Isisibi 32:1-8. Mè fit FIDIO yi mè igbaan̄ ikpa idodo chi ogọgọọk.
-
Keke orọ igbebe ibe eji eweek eriọọn̄ inu okibele Jioba ejit?
-
Ike owa ke eji ebekọt irọ eyi?
Ubọk eji ebesa iriọọn̄ ijọk eyi ikakibele Awaji ejit
-
Ire ijọk ya iyaka imaan̄ me lek ijejeen̄ ikajege ikike me lek Baibul ni? Inyi oriọọn̄, wọlọ kpọ ubọk ijọk ya osabe ibene.
-
Ire ikinyi ebilene, ntitiin̄, mè iyaka ire inu okeke ichit chieen̄ ido umin ikagbege ni? Eji ekimin Jioba igak inu geelek mè itoon̄ ejit ibe ke ire ọmọ gaalek obokọt isan̄a ufialek linyọn̄ yi isan̄a.
-
Ire inu ekirọ me ijọk ya ije ikeme onineen̄ Baibul ni? Ikup ufiak ibe eji ekup me utana me eru.
5. Tap ubọk nyi ebi ofifi ife ibe ejeen̄ ulibi me lek nchieek kwun̄
Mokọt iyọt eji ijijit itatap lek me lek ijọk echi ikakineme Jioba mgbọ ebi ene ekinyi eji ukeme. Sa me ime mè iriọọn̄-inu kpa ntumu-mfieek kwun̄. Inyi omun̄ inu njeen̄ ge ofolek ubọk obokọt irọ eyi, fit FIDIO yi.
Fuk Matiyu 7:12, mè igbaan̄ ikpa idodo chi:
-
Igọọk me lek ere Baibul yi, ire igbe ibe otumu onyi ebi uwu kwun̄ ebi ekarege Ebi Ata-Ikọ Jioba ibe ekayaka ikigọọk irọ ijọk ni?
-
Keke ke obokọt irọ isasa ijeen̄ ebi uwu kwun̄ ibe ke oma ema mè ikaan̄ ulọk me lek kiban̄, ikerere ibe ke okpobogọọk ema irọ ijọk kiban̄?
6. Jioba iweek ibe eji ekebele ejit
Jioba iweek ibe eji ekegọọk ebi ototun̄ ukan̄ kiji mè ebi unene kiji ekenwọọn̄ lek. Fuk Ogwu Etip 8:15, mè igbaan̄ ikpa idodo yi:
-
Ike owa ke ere Baibul yi okijeen̄ ibe ke Jioba iweek ibe eji ekebele ejit?
Jioba iweek ibe ebi eyi kan̄ ekegbaan̄ enwọọn̄ lek. Fit FIDIO yi inyi omun̄ ubọk eyi osabe ikpọk mbum me chinichini ilile okpulu esese esese ido.
Fuk Ebi Galesia 6:10, mè igbaan̄ ikpa idodo chi:
-
Ire eji ebekigọgọọk irọ ijọk owuwa ene ekirọ sabum eji erọ “ata inu” enyi ebi ofifi ife ni?
-
Kpasi inyinyi okibele owu ejit—ire eyi ekinyi bak lek ijọk ge, sa ire eyi ekinyi inan̄a me ejit?
-
Owuwa bọn ute ekekineen̄ ijọk osibi esese inyi nsabọn kiban̄ usini mgbọ mè enyi ema inyinyi. Ire okaan̄ nsabọn, keke ore usini mkpọ osibi esese obokọt irọ inyi ema ni?
USINI ENE EKIBE: “Ubọk ijọk osabe ibene ikakup ufiak. Ire gaalek mgbọ ekisa inwọọn̄ lek melek ebi ototun̄ ukan̄ mè ebi unene ene.”
-
Obofọfọọk?
ME MGBIDIM
Jioba iweek ibe eji enwọọn̄ lek melek ebi ototun̄ ukan̄ kiji mè ebi unene kiji. Ire, iweek si ibe eji ejit ijọk echi ikakineme ọmọ.
Idodo
-
Idodo echi owa ke eji ebedo isasa iriọọn̄ mè ire ijọk ineme Jioba?
-
Ike owa ke eji ebesa itap ubọk inyi ebi ototun̄ ukan̄ kiji mè ebi unene kiji egobo etet ntumu-mfieek kiji ofolek ijọk?
-
Ike owa ke osa iriọọn̄ ibe ke Jioba iweek ibe eji ekebele ejit mè ekenwọọn̄ lek?
WEEK
Kpọ usini ijọk echi ebi eyi Karais kpekigọọk irọ.
“Why Don’t Jehovah’s Witnesses Celebrate Certain Holidays?” (Web article)
Kpọ mkpọ ini orọrọ eji echieekbe ibe ke ijọk isasa ikeek usen iman ikakineme Awaji.
“Why Don’t Jehovah’s Witnesses Celebrate Birthdays?” (Web article)
Kpọ ike nsabọn imama Jioba ebekọt irọ ibe ejit ibele ọmọ me mgbọ ekirọ ijọk.
Efie efie ebi eyi Karais mitumu ifieek ibe ke kpebekigọọk irọ ijọk usen iman kè Jisọs. Ike owa ke ema ekimun̄ ntumu-mfieek kiban̄?
“They Found Something Better” (The Watchtower, December 1, 2012)
a Kpọ Inu Egebe me Agan̄ Ota 5 inyi okween̄ mkpọ owu obokọt irọ mgbọ ebi ene ekirọ ijọk.
