እርስ በርስ የሚዋደዱና የሚከባበሩ ወላጆች ያሏቸው ልጆች በጥሩ ሁኔታ ያድጋሉ። (ቆላስይስ 3:14, 19) ጥሩ ወላጆች ልክ እንደ ይሖዋ አምላክ ልጆቻቸውን ይወዳሉ እንዲሁም ያሞግሷቸዋል።—ማቴዎስ 3:17⁠ን አንብብ።

የሰማዩ አባታችን አገልጋዮቹን ያዳምጣል እንዲሁም ለስሜቶቻቸው ትኩረት ይሰጣል። ወላጆችም የይሖዋን ምሳሌ በመከተል ልጆቻቸው የሚናገሩትን ማዳመጣቸው ተገቢ ነው። (ያዕቆብ 1:19) ወላጆች ልጆቻቸው የሚያሰሙትን ቅሬታ ጨምሮ ስሜታቸውን ሲገልጹ መስማት ይኖርባቸዋል።—ዘኁልቁ 11:11, 15⁠ን አንብብ።

ወላጅ እንደመሆንህ መጠን መመሪያ የመስጠት ሥልጣን አለህ። (ኤፌሶን 6:1) በዚህ ረገድ አምላክ የተወውን ምሳሌ ተከተል። አምላክ ግልጽ ደንቦችን በማውጣትና ደንቦቹን መተላለፍ የሚያስከትለውን መዘዝ በመግለጽ ለልጆቹ ፍቅር እንዳለው አሳይቷል። (ዘፍጥረት 3:3) አምላክ ሰዎች እንዲታዘዙት ከማስገደድ ይልቅ ትክክል የሆነውን ነገር ማድረጋቸው ምን ጥቅም እንደሚያስገኝላቸው ያስተምራቸዋል።—ኢሳይያስ 48:18, 19⁠ን አንብብ።

ልጆችህ አምላክን እንዲወዱ የመርዳት ግብ ይኑርህ። እንዲህ ካደረግክ ከአንተ ጋር በማይሆኑበት ጊዜም ጭምር በጥበብ መመላለስ ይችላሉ። አምላክ፣ ራሱ ምሳሌ በመሆን እንደሚያስተምር ሁሉ አንተም ለልጆችህ ምሳሌ በመሆን አምላክን እንዲወዱት አስተምራቸው።—ዘዳግም 6:5-7⁠ን፤ ኤፌሶን 4:32⁠ን እና 5:1⁠ን አንብብ።