КУУЧЫНДЫ БАШТАГАР
3 УРОК
Јалакай болоры
Библиялык принцип: «Сӱӱш... јалакай» (1 Кор. 13:4, ЈТ).
Иисус нени эткен?
1. ВИДЕО кӧрӱгер эмезе Иоанн 9:1—7 кычырыгар. Оноҥ бу сурактарды шӱӱп сананыгар:
-
а) Иисус озо баштап нени эткен: сокор кижини јаскан ба эмезе ого јарлап баштаган ба? (Иоанн 9:35—38 кӧрӱгер.)
-
б) Канайып сананадаар, нениҥ учун мыныҥ кийнинде кижи сӱӱнчилӱ јарды угарга белен болгон?
Иисустаҥ неге ӱренедис?
2. Кижи бистиҥ ого јалакай баштанып турганысты сезип турза, бисти кӱӱнзеп угар болор.
Иисустаҥ тем алыгар
3. Кижиниҥ сезимдерин оҥдоп туругар. Кижи нени сезип турганын оҥдоорго албаданыгар.
-
а) «Кижи неге санааркап турган болор? Кандый шӱӱлте оны јилбиркедип, кӱӱн-санаазын кӧдӱрер эди?» деп, сананып ийигер. Анайып, слер кижиге акту јӱрегердеҥ јалакай баштанарга турганаарды кӧргӱзереер.
-
б) Кижи слерге сезимдерин эмезе кӱчтерин куучындап турза, куучынды ӧскӧ темага солыбай, оны лаптап угугар. Мынайып, ол слердиҥ ого чыннаҥ ла болужарга турганаарды кӧрӧр.
4. Тоомјылу ла јалакай куучындажыгар. Кижини акту кӱӱнеердеҥ оҥдоп, ого болужарга белен болгоноор ӱнеердеҥ ле билдире берер. Оныҥ учун нени, канайып айдып турганаарды ајарып, кижини ачындырып ийгедий сӧстӧр айтпагар.
5. Болужарга белен болугар. Кижиге неле болужып ийерге јараар деп сананып кӧрӱгер. Болужып ийзеер, јакшы куучын болордоҥ айабас.
