«[Кудай] олордыҥ кӧзинеҥ ончо јашты арчыыр. Ӧлӱм де, ачу-корон до, сыгыт та, јобол до база болбос» (Ачылта 21:4, Јаҥы Кереес. Агару Бичик).

Кудай кыйын-шыра јетирбей турган деп, бек бӱдӱмји берет (Иаковтыҥ 1:13).

Кудай бистиҥ кӱчтеристи оҥдоп турганын билгенис јӱрегисти токунадып јат (Захария 2:8).

Кыйын-шыра јоголып калар деп, бек ижемји берет (Сарын 37:9—11).

Эйе, бого бӱдериниҥ кезик шылтактары:

• Кудай кыйын-шыраны ла базынышты кӧрӧр кӱӱни јок. Кудайдыҥ албатызы калју базынчыкта болордо, Иегова Кудай нени сескен? Бу улус базынчыкта јӱргенинеҥ улам онтоп, калактап турганын Кудай кӧрӱп, олорло кожо Ол шыралады деп, Агару Бичикте айдылган (Јаргычылар 2:18).

  Улус бой-бойлорын базынып, кыстап турганын Кудай јаратпай јат. «Бурузы јок кан тӧгӱп турган колдор» Ого јескинчилӱ деп, Агару Бичикте айдылат (Укаа сӧстӧр 6:16, 17).

• Кудай бистиҥ кажыбысты ла кичееп кӧрӧт. Иегова Кудай бистерди неге де санаркабай, Ого ижензин деп кӱӱнзедет, нениҥ учун дезе Агару Бичикте бичилгениле болзо, «Ол слерди кичееп кӧрӱп јӱрӱ» (1 Петрдыҥ 5:7).

  Удабас, келер ӧйдӧ Иегова Кудай Бойыныҥ Каандыгыныҥ болужыла бистиҥ кажыбыстыҥ ла ӱлӱбиске тӱшкен кыйын-шыраны јоголтып салар (Матфей 6:9, 10). Ол эм де тургуза Ого баштанып тургандарды килеп токунадат (Апостолдордыҥ ижи 17:27; 2 Коринфтегилерге 1:3, 4).