Кудай кайда ла бар ба?
Библиялык каруу
Кудай ӱзе немени кӧрӱп, бастыра бар-јокты бойыныҥ кӧрӱмиле эдет (Укаа сӧстӧр 15:3; Еврейлерге 4:13). Је андый да болзо, Кудай кайда ла, неде ле бар деп, Агару Бичик ӱретпей јат. Ондо айдылганыла, ол чыннаҥ ла бар Кудай, анайда ок ондо бойыныҥ јӱрӱп турган јери бар.
Кудайдыҥ бӱдӱми. Кудай — ол кӧскӧ кӧрӱнбес тын (Иоанн 4:24). Кижиниҥ кӧзи оны кӧрӱп болбос (Иоанн 1:18). Агару Бичиктеги кӧрӱлтелерде кӧргӱзилгениле, Кудайда јӱрӱп турган аҥылу јери бар. Ол кайда ла бар деп, кайда да кӧргӱзилбей јат (Исайя 6:1, 2; Ачылта 4:2, 3, 8).
Кудайдыҥ јӱрӱп турган јери. Кудай физический закондор иштеп турган јерде эмес, је кӧскӧ кӧрӱнбес јайаандар јӱрӱп турган јерде јӱрет. Ондо, теҥериде, Кудайдыҥ бойыныҥ «јӱрӱп турган јери» бар (1 Каандар 8:30). Агару Бичикте ангелдер келип «Иегованыҥ a алдына јуулыштылар» деп бичилген. Мынаҥ Кудайда бойыныҥ јӱрӱп турган јери бар деп кӧрӱнет (Иов 1:6).
Кудай бастыра ла јерлерде јок болзо, ол меге канайып болужар?
Кудай улусты кичееп кӧрӱп турганы чын. Кудай кӧскӧ кӧрӱнбес јерде јӱрӱп турган да болзо, оны акту јӱрегинеҥ сӱӱндирерге турган улуска ол ајару эдип, олорго болужып јат (1 Каандар 8:39; 2 Летопись 16:9). Иеговага акту јӱрегинеҥ чындык улусты ол канайып кичееп турганын кӧрӱп ийектер.
Мӱргӱп јатсаас. Иеговага баштанып јаткан ӧйдӧ ол бистиҥ мӱргӱӱлдеристи угат (2 Летопись 18:31).
Ал санаага тӱшкен болзоос. «Иегова кунугып јӱрген улусты артыргыспай јат. Санааркап калган улусты ол аргадап јат» (Сарын 34:18).
Кандый тӱп-шӱӱлтеге келерин билбей турзаас. Иегова биске бойыныҥ Сӧзи, Агару Бичик, ажыра «оҥдомол берерим, кандый јолло баратанына ӱредип саларым» деп айдат (Сарын 32:8).
Кудай кайда ла бар деп јастыра кӧрӱм-санаа
Улустыҥ айтканыла болзо. Кудай бастыра бойыныҥ јайаган јайаандарында бар.
Чынынча болзо. Кудай Јерде де, Вселенныйда да јӱрбей јат (1 Каандар 8:27). Је јылдыстар да, ӧскӧ дӧ јайаандар «Кудайдыҥ магын јарлап јат» (Сарын 19:1). Канайып јурукчы бойыныҥ јуруктарында јӱрбей јат, анайып ла Кудай бойыныҥ јайаандарында болбой јат. Андый да болзо бис, јурукты ајыктап тура, оны јураган јурукчы керегинде нени-нени билип алар аргалу. Анайып ла јайаандар Јайаачыныҥ «кӧрӱнбес кылык-јаҥын», темдектезе ийде-кӱчин, ойгорын ла сӱӱжин кӧргӱзет (Римдегилерге 1:20).
Улустыҥ айтканыла болзо. Кайда ла, неде ле бар Кудай бойы ончо немени эдет.
Чынынча болзо. Кудайда агару тыны, ӧскӧртӧ айтса оныҥ ийде-кӱчи бар. Оныҥ болужыла ол, ыраактаҥ ла кайда ла, нени ле эдер аргалу. Оныҥ кӧзиниҥ алдында ӱзе ачык (Сарын 139:7).
Улустыҥ айтканыла болзо. Кудай кайда ла, неде ле бар деп, Сарын 139:8-те айдылат: «Теҥериге де чыксам, сен анда болор эдиҥ. Сӧӧк салар јерге де тӱшсем, сен анда болор эдиҥ».
Чынынча болзо. Бу ӱлгерде Кудайдыҥ јӱрӱп турган јери керегинде айдылбай јат. Је бу ӱлгер эдип чӱмделген сӧстӧр Кудайдыҥ јетпес јери јок деп ле ол биске, кайда да болзоос, болужып ийер аргалу деп кӧргӱзет.
a Агару Бичикле болзо, Иегова — ол чындык Кудайдыҥ ады.
Анайда ок слерге јараар болор
АГАРУ БИЧИКТИҤ ТӦС ӰРЕДӰЛЕРИ
Кудай бар ба?
Узнайте, почему верить в Бога — это разумно. Билип алыгар, нениҥ учун Кудайга бӱдерге — ол ойгор болот.
БИСТЕР КЕРЕГИНДЕ
Слерге јолугып ийзин деп сурагар
Слердиҥ сурактараарга Агару Бичик кандый каруу берип турганын билип алыгар эмезе Иегованыҥ Керечилери керегинде кӧптӧдӧ билип алыгар.