ENUKPLAKPLA 01
Lé Bibla atɛnŋ akpedo eo nu doɔ?
Amɛ sugbɔ le mì mɛ biɔnɔ nyɔwo se so agbeɛ nu. Wobiɔnɔ nyɔwo se so ŋciwo yí kpekpeɛ mì, eku koɖo lé esɔmɛ avanɔ do nu. Gbɛmɛ nyɔwo can nyi ŋci yí xanɔ mì ŋkeŋke. Ðowo yí nyi fini mìato akpɔ nu aɖu alo lé mìawɛ keke jijɔ anɔ mìwo xomu mɛ. Mɛ ciwo yí kpɔɛ mɔ, Bibla yí kpekpeɛdo yewo nu yewokpɔkɔ ɖoŋciwo nɔ agbemɛ nyɔbiɔse veviwo dehwe o. Wogbekpɔɛ mɔ Bibla nana enukplamu adodwi yewo le agbemɛ. Ci èkpɔɛ ɖe, Bibla akpedo amɛwo nu drua?
1. Enyɔbiɔse ɖewo li yí Bibla na ɖoŋci nɔa?
Bibla ɖo biɔse vevi cɛwo ŋci: Lé agbe lɔ jɔ doɔ? Nyi mìwawa le agbeɛ mɛ koŋ ɔ? Nyi yí taɖo amɛmanyaɖewo kpekpeɛ fun ɔ? Nɔ agbetɔ ku ɖe, nyi evatrɔnɔɔ, yí fini eyinɔɔ? Nyi yí taɖo amɛshiamɛ jijiɛ fafa gan yí wowakɔ ahwa sugbɔ ahan ɔ? Nyi yí avajɔ do nyigban lɔ ji le esɔmɛɔ? Nɔ èhlɛn Biblaɔ, àkpɔ mɔ ɖoŋci nɔ nyɔbiɔse cɛwo le mɛ, eyi amɛ miliɔn nɛniɖe kpɔɛ mɔ ɖoŋci ciwo Bibla lɔ na nɔ nyɔbiɔse cɛwo nyɔ sugbɔ.
2. Lé Bibla awɛ akpedo mì nu yí eji ajɔnɔ mì gbeɖeka duuɔ?
Bibla wa ɖaŋ kplanɔ nu mì nywiɖe. Le kpɔwɛ mɛ, ekplanɔ nu asu koɖo ashiwo koɖo ɖeviwo yí wokpɔnɔ lé woawɛ yí eji ŋtɔŋtɔ ajɔnɔ wo. Nɔ mìkplakɔ Biblaɔ, ekpenɔdo mì nu mìdelonɔ nu kpɔ ɖoɖu o; egbekpenɔdo mì nu yí nɔ edɔ ci mìwanɔ gbele do ɖekpokpuiɖe can ɔ, eji jɔnɔ mì le yi wawa mɛ. Hwenu mìakplakɔ wema cɛ dojuɔ, àkpɔ enyɔ ciwo Bibla nu so enyɔ cɛ hanciwo nu. Àgbekpla nubuwo kpi. Àvalɔn do ji mɔ ‘Enuŋwlɛŋwlɛ lɔwo [enu ciwo pleŋ yí le Bibla mɛ] . . . nyɔ’ nyao.—2 Timɔte 3:16.
De sɔ wosɔ wema cɛ ɖɔkɔ li Bibla o. Vɔ wɛ wowɛ mɔ eɔ le zin keŋ asɔ kpla Bibla eoŋtɔ. Eyi taɖo mìji mɔ eɔ le hlɛnnɔ kpukpui ciwo yí le enukplakpla lɔwo mɛ yí akpɔ mɔ wosɔkɔ koɖo enu ci èkplakɔ ma.
JI DWI NI KPƆ DOJI
Kpɔ lé Bibla atɛnŋ akpedo amɛwo nu, lé àwɛ yí Bibla hlɛnhlɛn ajɔnɔ ji nɔ eo, koɖo enu ci yí taɖo enyɔ mɔ mɛbuwo akpedo eo nu nɔ namɔŋje mɛ.
3. Bibla ajɔ mɔ nɔ mì dru
Bibla le shigbe tɔshi nɛ. Bibla atɛnŋ akpedo mì nu mìasɔ gbeta nywiwo; mìatɛnŋ agbezin asɔ kpɔ enu ciwo yí avajɔ le esɔmɛ.
Hlɛn Ehajiji Wema 119:105, keŋ agbeje nyɔbiɔse cɛwo mɛ:
-
Lé ehajitɔ ci yí ŋwlɛ kpukpui cɛ kpɔnɔ Bibla doɔ?
-
Lé eɔ kpɔnɔ Bibla doɔ?
4. Mìakpɔ ɖoŋciwo nɔ mìwo nyɔbiɔsewo le Bibla mɛ dru
Nyɔnu ɖeka vakpɔ ɖoŋciwo nɔ nyɔbiɔse ciwo yí ɖunɔ ta ni so xwe ɖewo ke le Bibla mɛ. Xo VIDEO lɔ, keŋ agbeje nyɔbiɔse ciwo yí gbɔgbɔ mɛ.
-
Le video lɔ mɛ ɖe, enyɔ ciwo yí nyɔnu lɔ biɔnɔ se saɔ?
-
Lé Bibla kplakpla kpedo nu doɔ?
Bibla nu mɔ mìwo le biɔnɔ nyɔwo se. Hlɛn Matie 7:7, keŋ agbeje nyɔbiɔse ci yí gbɔgbɔ mɛ:
-
Enyɔ ciwo èbiɔnɔ eoɖeki se, ciwo àkpɔ ɖoŋci nɔ le Bibla mɛ druɔ?
5. Bibla hlɛnhlɛn ajɔnɔ ji nɔ eo dru
Bibla hlɛnhlɛn jɔnɔ ji nɔ amɛ sugbɔ yí wokpɔnɔ ale sugbɔ le mɛ. Xo VIDEO lɔ, keŋ agbeje nyɔbiɔse ciwo yí gbɔgbɔ mɛ.
-
Le video lɔ mɛ ɖe, lé enuhlɛnhlɛn wanɔ nɔ jajɛ sugbɔtɔɔ?
-
Ci enuhlɛnhlɛn wanɔ ŋmɛya nɔ wo can ɖe, nyi yí taɖo Bibla hlɛnhlɛn yɛ vajɔkɔ ji nɔ woɔ?
Bibla nu mɔ yeafa akɔn nɔ mì to ye nukplamuwo ji yí agbena emɔkpɔkpɔ mì dru. Hlɛn Rɔmatɔwo 15:4, keŋ agbeje nyɔbiɔse cɛ mɛ:
-
Ci Bibla mɔ yeafa akɔn nɔ mì yí agbena emɔkpɔkpɔ mì ɖe, ejɔ ji nɔ eoa?
6. Mɛbuwo akpedo mì nu yí mìamɔŋje Bibla mɛ dru
Ci mɛɖewo hlɛnnɔ Bibla wowoɖekɛ can ɔ, wokpɔɛ mɔ seŋkankan so Bibla nu koɖo mɛbuwo dɔ wogbesenɔ mɛ sɔwu. Hlɛn Edɔwawawo 8:26-31, keŋ agbeje nyɔbiɔse cɛ mɛ:
-
Lé mìawɛ amɔŋje Bibla mɛɔ?—Kpɔ kpukpui 30 koɖo 31.
Ele mɔ woakpedo Etiopi ŋsu lɔ nu gbɔxwe amɔŋje Enuŋwlɛŋwlɛ lɔwo mɛ. Le egbɛmɛɔ, amɛ sugbɔ kpɔɛ mɔ nɔ wokankɔ seŋ koɖo mɛbuwo so Bibla nuɔ, woɖunɔ le ni
MƐÐEWO NUNƆ MƆ: “Gamɛ gugu yí Bibla kplakpla nyi.”
-
Lé èkpɔɛ doɔ? Nyi yí taɖo èkpɔɛ ahan ɔ?
ENU CI ÈKPLA
Ekpla nywiwo le Bibla mɛ nɔ ŋkeke ɖeshiaɖe gbenɔnɔ, enanɔ ɖoŋci nɔ agbemɛ nyɔbiɔse veviwo, efanɔ akɔn nɔ amɛ yí gbenanɔ emɔkpɔkpɔ amɛ.
Enumɛtoto
-
Enukplamu ci hanwo yí mìakpɔ le Bibla mɛɔ?
-
Biɔse ciwo mìakpɔ ɖoŋci nɔ le Bibla mɛ ɖewo ɖe?
-
Nyi èji mɔ yeakpla le Bibla mɛɔ?
KPƆ ŊCƐWO KPƆ
Kpɔ lé Bibla mɛ nukplamuwo nyɔ do le egbɛmɛ ɖa.
“Nunya ci yí le Bibla nukplamuwo mɛ dedonɔ xoxui o” (Jutakpɔxɔ No. 1 2018)
Ŋsu ɖeka dodoɔ gbla koɖo susu vwinwo so keke vihwɛmɛ. Kpɔ lé Bibla kpedo nu ɖa.
Gbeje enukplamu nywi ciwo yí le Bibla mɛ nɔ asu koɖo ashiwo koɖo ɖeviwo mɛ.
Ci amɛ sugbɔ dejeshi mɛ ci yí kpakɔ acɛ do xexeɛ ji teŋ can ɔ, kpɔ lé Bibla yɛ dre mɛ do petii ɖa.
Ebuwo Ke
ENYƆ CIWO AMƐWO BIƆNƆ SE BLAŊBLAŊ
Nyi Bibla nukplakpla ci Yehowa Kunuɖetɔwo sɔ ɖokɔ ŋmɛ nɔ amowo nyiɔ?
To seŋkankan toto ehomana ci Yehowa Kunuɖetɔwo sɔ ɖokɔ ŋmɛ nɔ amowo jiɔ, àtɛnŋ azan Bibla gɔnmɛɖeɖe ɖekpokpui. Vo faa ayɔ ao xomu lɔ pleŋ alo ao xlɔwo nɔ woava bɔdo eo nu le nukplakpla lɔ mɛ.
