ENUKPLAKPLA 6
Ŋwlɛnŋwlɛn lɔwo mɛ ɖeɖe nywiɖe
Ʒan 10:33-36
SUSU VEVI LƆ: Ŋgbehlɛn kpukpui ɖe kpoŋ yí atashi keŋ ayi enyɔ bu ji o. Kando ji mɔ ao nyɔsetɔwo mɔŋje ekacaca ci yí le kpukpui ci èhlɛn koɖo enyɔ ci ènukɔ mɛ.
LÉ ÀWƐ DO:
-
Ðe enyɔgbe veviwo ti. Nɔ èhlɛn kpukpui lɔ ɖegbɔɔ, tɛ gbe do enyɔgbe ciwo yí ca ka koɖo susu vevi lɔ ji. Àtɛnŋ awa ecɛ nɔ ètrɔ yí yɔnɔ enyɔgbe lɔwo alo nɔ èwanɔ nyɔbiɔse ciwo yí ana ao nyɔsetɔwo ado jeshi enyɔgbe vevi lɔwo.
-
Ðe susu vevi lɔ ti. Nɔ ènu susu ci yí taɖo èjikɔ ahlɛn kpukpui ɖe gbɔxwe yí hliin ɖegbɔɔ, dre lé enyɔgbe vevi ciwo yí le kpukpui lɔ mɛ ca ka koɖo susu lɔ do.
-
Ðe kpukpui lɔ mɛ nɔ woamɔŋje mɛ fafɛɖe. Ŋgbena enumɛɖeɖe bu ciwo yí deca ka koɖo susu vevi lɔ o. Nɔ te do enu ciwo yí ao nyɔsetɔwo jeshi so nuxu lɔ nu keŋ anya enyɔ ciwo yí le veviɖe yí ànu asɔ ɖe enyɔ lɔ mɛ nɔ akɔ petii.
