Yesu nya lé enubaɖawawa koɖo enumajɔmajɔwawa venɔ gbaza nɔ amɛ do. Éle xomɛvu gan, wodo hwɛ yi, ci ese deɖe emɔ can ɔ, woxui. Wodeso kojo jɔjɔɛ ni o yí mɔ yɛɖo aku. Wodo vevisese ni gbɔxwe yí wui. Ci Yesu dewa afɛn can ɔ, élɔn faa yí sɔ yi gbe sa vɔn yí sɔ “ɖe adra do ta nɔ amɛ sugbɔwo.” (Matie 20:28; Ʒan 15:13) Ci Yesu nyi Efyɔ nɔ Mawu Fyɔɖuxu lɔɔ, dajinjin o agu enubaɖawawa si le nyigban lɔ pleŋ ji yí ana woawa enujɔjɔɛ.​—Ezai 42:3.

 Bibla dre lé xexeɛ mɛ anɔ do hwenu Yesu akpa acɛ do nyigban lɔ pleŋ ji:

•   “Le azan kpwiɖe mɛɔ, amɛ vɔn ɖewo da gbe li o. Ètɛnŋ ji amɛ hunnɔwo kpɔ, vɔ wo pleŋ wo da gbe li o. Amɛ ciwo yí hwe wowoɖewo kpɔtɔ a xɔ Mawu gbeɖu nyigban. Wo a gbe xɔ fafa.”​—Ehajiji Wema 37:10, 11.

 Lé mìawɛ ado akpe nɔ Yesu, nɔ enu ciwo pleŋ ewa nɔ mì koɖo ciwo yí kpɔtɔ avawa nɔ mìɔ? Le Luiki 22:19 mɛɔ, Yesu nu nɔ yi dokplɔtɔwo mɔ wo le ɖonɔ ŋwi ye ku lɔ. Kɔcɛɔ, Yehowa Kunuɖetɔwo abɔ doju yí aɖo ŋwi yi ku lɔ. Mìsɔ jijɔ yɔkɔ eo nɔ nàvanɔ ju koɖo mì yí mìawa wana ci yí nyi Eŋwiɖoɖo Yesu ku, le Kwɛshilagbe 24 Mars 2024.

Kpɔ Fini Woawa Eŋwiɖoɖo Lɔ Le