’n Werker isoleer verhittingspype in die ketelkamer.

Werkers lê teëls teen die stortmure in die kleedkamers.

’n Werker installeer ’n raamwerk van weerligafleiers om die gebou teen weerligstrale te beskerm. Vir veiligheid dra die werker ’n harnas wat aan die dak vasgemaak is.

Vensters word gewas en voorberei vir veiligheidsplakkers. Die plakkers maak die glas meer sigbaar sodat mense nie per ongeluk daarteen vasloop nie.

’n Werker gebruik ’n kamera om te kyk of pas geïnstalleerde pype reg is om te gebruik.

Houtwerkers installeer houtpanele teen die mure van ’n saal wat as ’n eetsaal, ouditorium en vir spesiale geleenthede gebruik sal word.

Inheemse struike word teen ’n stutmuur geplant.

Werkers installeer ’n balkon wat van glas gemaak is. Hierdie glas beskerm inwoners sonder om lig of ventilasie te keer.

Beligting word buite die ontvangsarea geïnstalleer.

’n Werker gebruik ’n metaalskêr om ventilasiekanale te sny sodat dit die regte grote is.

Bome word geplant en paadjies word voorberei. Links is die saal wat gebruik sal word as ’n eetsaal, ouditorium en vir ander spesiale geleenthede. Woongebou A kan in die agtergrond gesien word.

’n Ingenieur installeer ’n deel van ’n besproeiingstelsel om brande te blus.

Die grond word voorberei om gras te saai. In die agtergrond word vensters gewas met pype wat verstel kan word.

’n Vloer word gelê met ’n mengsel wat self gelyk word. ’n Spesiale soort hark word gebruik om ’n gelyke laag van die mengsel op te sit. ’n Roller met skerp puntjies word gebruik om lugborreltjies te verwyder.

’n Vinielvloer word gelê in die saal wat gebruik sal word as die eetsaal, ouditorium en vir spesiale geleenthede. Teen die agterste muur, waar die verhoog sal wees, is televisieskerms teen akoestiese panele vasgesit.

’n Houtwerker is besig met die afwerking van die grimeerkamer langs die video-ateljee.

Houtwerkers installeer kantoorafskortings wat geskuif kan word. Dit maak dit moontlik om die uitleg van kantore te verander.

’n Kontrakteur sit raamwerke van staal vas aan mekaar in die video-ateljee. Hieraan kan toerusting soos ligte en kameras gehang word.

Lugfoto vanuit die noorde. Aan die linkerkant is Woongebou B, C, D, E en F wat klaar gebou is. In die middel is Woongebou A wat amper klaar is en die Kantoorkompleks wat reeds klaar gebou is. Aan die regterkant is die Suidelike Produksiegebou en die Noordelike Produksiegebou wat amper klaar is. Intussen is hulle nog besig om tuine aan te lê oor die hele terrein.

Die gedeelte agter die ontvangsarea word geteël. Die skadutente in die agtergrond bied tydelike beskerming teen die son terwyl die teëls wat pas gelê is, skoongemaak word.