DIE BYBEL SE BESKOUING
Die siel
Godsdienste het verskeie teenstrydige menings oor die siel en wat daarmee gebeur wanneer ons sterf. Maar die Bybel verduidelik dit mooi.
Is die siel onsterflik?
WAT MENSE SÊ
Baie mense glo dat die siel onsterflik is. Party glo dat die siel oor en oor gebore word en weer in die vorm van ’n nuwe fisiese liggaam bestaan nadat die vorige liggaam gesterf het. Ander mense glo dat die siel uiteindelik na ’n ander plek, soos na die hemel of die hel, sal gaan.
WAT DIE BYBEL SÊ
Die Bybel sê nie dat die siel onsterflik is nie. Trouens, dit praat dikwels van die siel as sterflik. Die profeet Esegiël, wat deur God gebruik is om ’n gedeelte van die Bybel te skryf, het gesê dat die siel met die dood gestraf kan word. By ’n ander geleentheid gebruik die Bybel die term “dooie siel” om ’n dooie liggaam te beskryf (Levitikus 21:11). Dit is duidelik dat die Bybel nie leer dat die siel onsterflik is nie.
“Die siel wat sondig
—dié sal sterf.” —Esegiël 18:20.
Is die siel apart van die liggaam?
WAT MENSE SÊ
Die siel gee lewe aan die liggaam terwyl die persoon lewe, maar dit verlaat die liggaam wanneer die persoon sterf.
WAT DIE BYBEL SÊ
Die Bybelgedeelte in Genesis 46:18 praat van ’n moeder wat geboorte gee aan “siele”
‘Sy het sestien siele gebaar’.
—Genesis 46:18.
Wat gebeur met die siel wanneer ’n mens sterf?
WAT DIE BYBEL SÊ
Ons weet dat ons liggaam vergaan wanneer ons sterf, en ons kan net so seker wees dat daar “geen werk of beplanning of kennis of wysheid in Sjeool [die Graf]” is nie (Prediker 9:10). Wanneer ’n persoon sterf, “keer [hy] terug na sy grond; op daardie dag vergaan sy gedagtes” (Psalm 146:4). ’n Dooie siel is in ’n toestand van onbedrywigheid, en daarom word die dooies dikwels in die Bybel vergelyk met iemand wat “slaap”.
WAAROM MAAK DIT SAAK?
Wanneer ’n mens ’n geliefde aan die dood afstaan, wil jy die antwoord weet op vrae soos hierdie: Waar is hulle? In watter toestand is hulle? Ly hulle? Omdat die Bybel ons verseker dat die dooies van niks bewus is nie, kan ons vertroosting vind in die wete dat ons geliefdes wat gesterf het, nie meer ly nie. Ons word verder vertroos deur Jehovah se belofte dat hy die dooie siele wat van niks bewus is nie, in die toekoms sal opwek.—Jesaja 26:19.
“Die dooies . . . is bewus van hoegenaamd niks . . . nie”.
—Prediker 9:5.
Jy sal dalk ook hiervan hou
DIE WAGTORING
Die leuen dat God wreed is
Baie mense glo dat God sondaars vir ewig straf. Tree God onregverdig op? Wat gebeur werklik by die dood?
ANTWOORDE OP BYBELVRAE
Wat is die siel?
Is dit iets binne-in jou? Sal dit voortleef nadat jy gesterf het?
