Psalms 83:1-18
’n Lied. ’n Melodie van Asaf.+
83 O God, moenie stilbly nie.+
Praat en tree op, o God.
2 Kyk! U vyande gaan te kere.+
Dié wat u haat, tree hoogmoedig op.*
3 In die geheim beraam hulle slinkse planne teen u volk.
Hulle sweer saam teen dié wat vir u kosbaar is.*
4 Hulle sê: “Kom, laat ons hulle as ’n nasie uitwis,+sodat die naam van Israel nie meer onthou sal word nie.”
5 Hulle dink saam ’n strategie uit.*
Hulle het ’n verbond* gemaak teen u+ –
6 die tente van Edom en die Ismaeliete, Moab+ en die Hagriete,+
7 Gebal en Ammon+ en Aʹmalek,Filisteʹa+ saam met die inwoners van Tirus.+
8 Assiʹrië+ het ook by hulle aangesluit.
Hulle ondersteun* die kinders van Lot.+ (Sela)
9 Doen aan hulle soos u aan Miʹdian gedoen het,+soos u aan Siʹsera en Jabin by die Kison-stroom* gedoen het.+
10 Hulle is by En-Dor+ vernietig.
Hulle het mis vir die grond geword.
11 Maak hulle heersers soos Oreb en Seëb,+en hulle leiers soos Seba en Salʹmunna,+
12 want hulle het gesê: “Laat ons die land waar God woon, in besit neem.”
13 O my God, maak hulle soos ’n rolbos* in ’n warrelwind,+soos strooi wat deur die wind rondgewaai word,
14 soos ’n vuur wat die woud afbrand,soos ’n vlam wat die berge verskroei.+
15 Mag u hulle so agtervolg met u orkaan+en hulle baie bang laat word as gevolg van u windstorm.+
16 Bedek* hulle gesigte met skande,sodat hulle u naam sal soek, o Jehovah.
17 Mag hulle vir ewig verneder word en baie bang wees.
Mag hulle skaam kry en sterf.
18 Mag mense weet dat u, wie se naam Jehovah is,+u alleen die Allerhoogste oor die hele aarde is.+
Voetnote
^ Of “lig hulle koppe op”.
^ Lett. “u verborgenes”.
^ Of “Hulle maak planne met een hart”.
^ Of “bondgenootskap”.
^ Lett. “het ’n arm geword vir”.
^ Of “dissel”.
^ Lett. “Vul”.
