Psalms 68:1-35
Vir die musiekleier. Van Dawid. ’n Melodie. ’n Lied.
68 Laat God opstaan, laat sy vyande verstrooi word,en laat dié wat hom haat, van hom af wegvlug.+
2 Mag u hulle verdryf soos rook wat weggewaai word.
Laat die goddeloses voor God verdwyn+soos was wat voor die vuur smelt.
3 Maar laat die regverdiges vreugdevol wees.+
Mag hulle baie bly wees voor God.
Mag hulle van vreugde uitroep.
4 Sing vir God, sing liedere* om sy naam te loof.+
Sing vir die Een wat deur die woestynvlaktes* ry.
Jah* is sy naam!+ Wees vreugdevol voor hom!
5 ’n Vader van vaderlose kinders en ’n beskermer* van weduwees+is God in sy heilige woonplek.+
6 God gee dié wat alleen is, ’n huis om in te woon.+
Hy lei gevangenes uit na voorspoed.+
Maar die hardkoppiges* moet in ’n dorre land woon.+
7 O God, toe u u volk gelei het,*+toe u deur die woestyn getrek het, (Sela)
8 het die aarde gebewe.+
Reën het uit die hemel gestort* as gevolg van God.
Hierdie Siʹnai het gebewe as gevolg van God, die God van Israel.+
9 U het baie reën laat val, o God.
U het nuwe krag gegee aan u uitgeputte volk.*
10 Hulle het in u tentgemeenskap gewoon.+
In u goedheid het u vir die armes gesorg, o God.
11 Jehovah gee die bevel.
Die vrouens wat die goeie nuus verkondig, is ’n groot leërmag.+
12 Die konings van leërmagte vlug,+ hulle vlug!
Die vrou wat by die huis bly, ontvang ’n deel van wat die vegters geneem het.+
13 Al het julle tussen die kampvure* gelê, o manne,sal daar die vlerke van ’n duif wees wat met silwer oorgetrek is,met vlerkpunte van suiwer* goud.
14 Toe die Almagtige die konings in die land verstrooi het,+het dit op Salmon gesneeu.*
15 Die berg Basan+ is ’n berg van God.*
Die berg Basan is ’n berg met pieke.
16 Hoekom kyk julle, o berge met pieke,jaloers na die berg wat God as sy woonplek uitgekies* het?+
Ja, Jehovah sal vir ewig daar woon.+
17 God het tienduisende strydwaens, duisende en nog duisende.+
Jehovah het van Siʹnai af in die heiligdom ingekom.+
18 U het na bo opgevaar,+en u het gevangenes weggeneem.
U het gawes in die vorm van mense geneem,+ja, selfs hardkoppiges,+ om onder hulle te woon,o Jah God.
19 Mag Jehovah geloof word, wat elke dag ons vrag dra,+die ware God van ons redding. (Sela)
20 Die ware God is vir ons ’n God wat red,+en Jehovah die Soewereine Heer kan ’n mens van die dood red.+
21 Ja, God sal die kop van sy vyande stukkend breek,die harige kroon van die kop van enigiemand wat aanhou sondig.*+
22 Jehovah het gesê: “Ek sal hulle uit Basan+ terugbring.
Ek sal hulle uit die dieptes van die see terugbring,
23 sodat die bloed van julle vyande oor julle voete kan spoel+en die tong van julle honde dit kan oplek.”
24 Hulle sien u optogte, o God,die optogte van my God, my Koning, na die heiligdom.+
25 Die sangers loop voor, en die musikante met die snaarinstrumente volg hulle.+
Tussenin is die jong vroue wat op tamboeryne speel.+
26 Loof God onder die skare wat bymekaargekom het.*
Prys Jehovah, julle wat uit die Bron van Israel is.+
27 Daar is Benjamin,+ die jongste, wat hulle onderwerp,en ook die leiers van Juda met hulle juigende skare,die leiers van Seʹbulon, die leiers van Nafʹtali.
28 Julle God het beveel dat julle krag ontvang.
Toon u krag, o God, u wat vir ons opgetree het.+
29 As gevolg van u tempel in Jerusalem+sal konings geskenke aan u bring.+
30 Bestraf die wilde diere van die riete,die hordes bulle+ en hulle kalwers,totdat die volke neerbuig en silwerstukke bring.*
Maar hy verstrooi die volke wat dit geniet om oorlog te voer.
31 Voorwerpe van brons sal uit Egipte gebring word.*+
Kus sal haastig wees om geskenke vir God aan te bied.
32 O koninkryke van die aarde, sing vir God,+sing lofliedere* vir Jehovah, (Sela)
33 vir die Een wat op die oeroue hemel ry, die hoogste hemel.+
Kyk! Sy stem dreun soos die donder, sy magtige stem.
34 Erken God se krag.+
Sy majesteit is oor Israel,en sy krag is in die hemel.*
35 God is ontsagwekkend vanuit sy* groot heiligdom.+
Hy is die God van Israel,wat krag en mag aan die volk gee.+
Mag God geloof word.
Voetnote
^ Of “maak musiek”.
^ Of moontlik “op die wolke”.
^ “Jah” is ’n verkorte vorm van die naam Jehovah.
^ Lett. “regter”.
^ Of “opstandiges”.
^ Lett. “voor u volk uitgegaan het”.
^ Lett. “Die hemel het gedrup”.
^ Lett. “erfdeel”.
^ Of moontlik “die skaapkrale”.
^ Of “geelgroen”.
^ Of “was dit asof dit op Salmon gesneeu het”.
^ Of “’n indrukwekkende berg”.
^ Of “begeer”.
^ Lett. “wat rondloop in sy skuld”.
^ Lett. “in byeenkomste”.
^ Of moontlik “vertrap”.
^ Of moontlik “Ambassadeurs sal uit Egipte kom”.
^ Of “maak musiek”.
^ Lett. “wolke”.
^ Lett. “u”.
