Psalms 39:1-13
Vir die musiekleier: Van Jeduʹtun.*+ ’n Melodie van Dawid.
39 Ek het gesê: “Ek sal my voetstappe bewaarom nie met my tong te sondig nie.+
Ek sal my mond met ’n muilband toemaak+solank daar enigiemand in my teenwoordigheid is wat goddeloos is.”
2 Ek was stom en het niks gesê nie;+ek het selfs stilgebly oor wat goed is,maar my pyn was intens.*
3 My hart het vuurwarm binne-in my geword.
Terwyl ek gepeins* het, het die vuur bly brand.
Toe het my tong gepraat:
4 “O Jehovah, help my om te weet wat my einde sal wees,en die getal van my dae,+sodat ek kan weet hoe kort my lewe is.*
5 Ja, u het my dae maar min* gemaak,+en my lewensduur is soos niks voor u.+
Ja, elke mens, al lyk hy veilig, is maar net soos asem.+ (Sela)
6 Elke mens loop rond soos ’n skaduwee.
Hy hardloop rond* vir niks.
Hy maak rykdom bymekaar, maar hy weet nie wie dit sal geniet nie.+
7 Waarvoor kan ek dan hoop, o Jehovah?
U is my enigste hoop.
8 Red my van al my oortredings.+
Moenie toelaat dat die verstandelose persoon ’n bespotting van my maak nie.
9 Ek het stom gebly;ek kon nie my mond oopmaak nie,+want u het dit laat gebeur.+
10 Neem u plaag van my af weg.
Ek is uitgeput omdat u hand my slaan.
11 U dissiplineer die mens deur hom te straf vir sy oortreding.+
Soos ’n mot verteer u die dinge wat vir hom waardevol is.
Elke mens is maar net soos asem.+ (Sela)
12 Hoor my gebed, o Jehovah,luister na my geroep om hulp.+
Moenie my trane ignoreer nie.
Want ek is maar net ’n uitlander vir u,+’n reisiger wat tydelik hier is,* net soos al my voorvaders.+
13 Hou op om woedend na my te kyk, sodat ek vrolik kan wordvoordat ek sterf en nie meer daar is nie.”
Voetnote
^ Of “is vererger”.
^ Of “gesug”.
^ Of “hoe verganklik ek is”.
^ Lett. “handbreedtes”.
^ Lett. “maak geraas”.
^ Of “’n tydelike inwoner”.
