Psalms 148:1-14
148 Loof Jah!*
Loof Jehovah vanuit die hemel.+
Loof hom in die hoogtes.
2 Loof hom, al sy engele.+
Loof hom, sy hele leërmag.+
3 Loof hom, son en maan.
Loof hom, al die sterre wat skyn.+
4 Loof hom, o hoogste hemel*en water bo die hemel.
5 Laat hulle die naam van Jehovah loof,want hy het die bevel gegee, en hulle is geskep.+
6 Hy het hulle vir ewig en altyd gevestig.+
Hy het ’n bevel gegee wat nooit tot ’n einde sal kom nie.+
7 Loof Jehovah van die aarde af,groot seediere en alle diep water,
8 weerlig en hael, sneeu en dik wolke,stormwind, wat sy woord uitvoer,+
9 berge en al die heuwels,+vrugtebome en al die sederbome,+
10 wilde diere+ en al die mak diere,kruipende diere en voëls,
11 konings van die aarde en al die nasies,leiers en al die regters van die aarde,+
12 jong manne en jong vroue,*oumense en jongmense* tesame.
13 Laat hulle die naam van Jehovah loof,want sy naam alleen is onbereikbaar hoog.+
Sy majesteit is bo die aarde en die hemel.+
14 Hy sal sy volk groter krag gee,*tot die lof van al sy lojales,van die kinders van Israel, die volk wat na aan hom is.
Loof Jah!*
Voetnote
^ Of “Halleluja!” “Jah” is ’n verkorte vorm van die naam Jehovah.
^ Lett. “hemele van die hemele”.
^ Lett. “maagde”.
^ Of “ou manne en jong manne”.
^ Lett. “die horing oplig vir sy volk”.
^ Of “Halleluja!” “Jah” is ’n verkorte vorm van die naam Jehovah.
