Psalms 143:1-12
’n Melodie van Dawid.
143 O Jehovah, hoor my gebed.+
Luister tog na my gesmeek om hulp.
Antwoord my in u getrouheid en u regverdigheid.
2 Moenie ’n regsaak teen u kneg maak nie,want niemand wat lewe, kan voor u regverdig wees nie.+
3 Want die vyand sit my agterna.
Hy het my lewe in die grond ingetrap.
Hy het my in donkerte laat woon, soos dié wat al lank dood is.
4 My gees* word swak.+
My hart is lam binne-in my.+
5 Ek dink aan die dae van lank gelede.
Ek peins oor* al u dade.+
Ek dink gretig na oor die werk van u hande.
6 Ek strek my hande uit na u.
Ek is soos ’n dorre land wat dors na u.+ (Sela)
7 Antwoord my tog gou, o Jehovah.+
My krag* het tot ’n einde gekom.+
Moenie u gesig van my af wegdraai nie,+anders sal ek word soos dié wat in die graf afgaan.+
8 Laat my u lojale liefde in die oggend hoor,want ek vertrou op u.
Maak aan my die weg bekend wat ek moet volg,+want ek rig my tot u.
9 Red my van my vyande, o Jehovah.
Ek soek u beskerming.+
10 Leer my om u wil te doen,+want u is my God.
U gees is goed.
Mag dit my oor vaste grond* lei.
11 Bewaar my lewe ter wille van u naam, o Jehovah.
Red my uit die moeilikheid, want u is regverdig.+
12 Maak ’n einde aan my vyande* in u lojale liefde.+
Vernietig almal wat vyandig is teenoor my,+want ek is u kneg.+
Voetnote
^ Of “krag”.
^ Of “bestudeer”.
^ Lett. “gees”.
^ Of “in die land van opregtheid”.
^ Lett. “Maak my vyande stil”.
