Psalms 106:1-48
106 Loof Jah!*
Dank Jehovah, want hy is goed.+
Sy lojale liefde duur vir ewig.+
2 Wie kan Jehovah se magtige dade ten volle bekend maakof al sy lofwaardige dade verkondig?+
3 Gelukkig is dié wat met geregtigheid optree,wat altyd doen wat reg is.+
4 Dink aan my, o Jehovah, wanneer u goedhartigheid betoon aan u volk.+
Sorg vir my met u reddingsdade,
5 sodat ek die goedheid kan geniet wat u betoon aan dié wat u uitgekies het,+sodat ek saam met u nasie bly kan wees,sodat ek u met trots kan loof* saam met u erfdeel.
6 Ons het gesondig, net soos ons voorvaders.+
Ons het gedoen wat verkeerd is, en ons het goddeloos opgetree.+
7 Ons voorvaders in Egipte het nie u wonderlike werke waardeer nie.*
Hulle het nie u oorvloedige lojale liefde onthou nie,maar hulle het in opstand gekom by die see, by die Rooisee.+
8 Maar hy het hulle ter wille van sy naam gered+om sy mag bekend te maak.+
9 Hy het die Rooisee bestraf, en dit het opgedroog.
Hy het hulle deur die dieptes daarvan gelei, asof deur ’n woestyn.*+
10 Hy het hulle uit die hand van hulle teenstander gered+en hulle uit die hand van die vyand teruggeëis.+
11 Die water het hulle vyande bedek,en nie een van hulle het dit oorleef* nie.+
12 Toe het hulle geloof in sy belofte gestel.+
Hulle het begin sing om hom te loof.+
13 Maar hulle het gou vergeet wat hy gedoen het,+en hulle het nie vir sy raad gewag nie.
14 Hulle het geswig voor hulle selfsugtige begeertes in die wildernis,+en hulle het God getoets in die woestyn.+
15 Hy het hulle gegee waarvoor hulle gevra het,maar hy het hulle toe met ’n siekte getref wat hulle laat wegteer het.+
16 In die kamp het hulle jaloers geword op Moses,en op Aäron,+ die heilige van Jehovah.+
17 Die aarde het toe oopgegaan en Datan ingesluk,en dit het Abiʹram+ en dié wat aan sy kant was, bedek.
18 ’n Vuur het onder hulle groep gebrand.
’n Vlam het die goddeloses verteer.+
19 Hulle het ’n kalf in Horeb gemaaken voor ’n metaalbeeld neergebuig.+
20 Hulle het my heerlikheid verruilvir ’n afbeelding van ’n bul, wat gras vreet.+
21 Hulle het God, hulle Redder, vergeet,+wat groot dinge in Egipte gedoen het,+
22 wonderlike werke in die land van Gam,+ontsagwekkende dade by die Rooisee.+
23 Hy het op die punt gestaan om te beveel dat hulle vernietig moet word,maar Moses, die een wat hy uitgekies het, het hom gesmeek*om sy vernietigende woede te laat bedaar.+
24 Toe het hulle getoon dat hulle geen waardering vir die begeerlike land het nie.+
Hulle het geen geloof in sy belofte gestel nie.+
25 Hulle het in hulle tente bly kla,+en hulle het nie na die stem van Jehovah geluister nie.+
26 Daarom het hy sy hand in ’n eed opgeligen gesweer dat hy hulle in die wildernis sou laat val.+
27 Hy sou hulle nakomelinge onder die nasies laat val,en hy sou hulle onder die lande verstrooi.+
28 Toe het hulle die Baäl van Peor begin aanbid*+en offerandes geëet wat aan die dooies geoffer is.*
29 Hulle het Hom met hulle dade uitgetart,+en ’n plaag het onder hulle uitgebreek.+
30 Maar toe Piʹnehas opgestaan en ingegryp het,het die plaag opgehou.+
31 En daarom is hy as regverdig beskou,van geslag tot geslag, vir ewig.+
32 Hulle het Hom by die water van Meʹriba* uitgetart,en dit het sleg gegaan met Moses as gevolg van hulle.+
33 Hulle het sy gees verbitterd laat word,en hy het oorhaastig met sy lippe gepraat.+
34 Hulle het nie die volke vernietig+soos Jehovah hulle beveel het om te doen nie.+
35 Maar hulle het met die nasies gemeng+en hulle weë aangeleer.+
36 Hulle het hulle afgode bly dien,+en dit het vir hulle ’n strik geword.+
37 Hulle het hulle seunsen hulle dogters aan demone geoffer.+
38 Hulle het onskuldige bloed bly vergiet,+die bloed van hulle eie seuns en dogters,wat hulle aan die afgode van Kanaän geoffer het.+
Die land is met bloed besoedel.
39 Hulle het onrein geword deur hulle werke.
Hulle was ontrou aan God* deur hulle dade.+
40 Jehovah het dus woedend geword vir sy volk,en hy kon sy erfdeel nie meer verdra nie.
41 Hy het hulle herhaaldelik aan die nasies oorgelewer+sodat hulle vyande oor hulle sou regeer.+
42 Hulle vyande het hulle onderdruk,en hulle is aan hulle mag* onderwerp.
43 Hy het hulle keer op keer gered,+maar hulle was opstandig en ongehoorsaam,+en hulle is verneder as gevolg van hulle oortredings.+
44 Maar hy het gesien hoe hulle ly+en hulle hulpgeroep gehoor.+
45 Hy het gedink aan sy verbond ter wille van hulle,en sy groot* lojale liefde het hom beweeg om genadig te wees.*+
46 Hy het diegene wat hulle gevange gehou het,laat jammer voel vir hulle.+
47 Red ons, o Jehovah ons God,+en maak ons bymekaar uit die nasies,+sodat ons u heilige naam kan prysen u met vreugde kan loof.*+
48 Mag Jehovah, die God van Israel, geloof wordtot in alle ewigheid.+
En laat die hele volk sê: “Amen!”*
Loof Jah!*
Voetnote
^ Of “Halleluja!” “Jah” is ’n verkorte vorm van die naam Jehovah.
^ Of “oor u kan spog”.
^ Of “nie die betekenis van u wonderlike werke verstaan nie”.
^ Of “wildernis”.
^ Of “oorgebly”.
^ Lett. “het voor hom in die bres getree”.
^ Of “hulle aan die Baäl van Peor verbind”.
^ D.w.s. offerandes wat aan dooie mense of aan lewelose gode geoffer is.
^ Beteken “stryery”.
^ Of “het geestelike prostitusie gepleeg”.
^ Lett. “hand”.
^ Of “spyt te voel”.
^ Of “oorvloedige”.
^ Of “vreugdevol kan wees in u lof”.
^ Of “Laat dit so wees!”
^ Of “Halleluja!” “Jah” is ’n verkorte vorm van die naam Jehovah.
