Job 21:1-34
21 Job het toe geantwoord:
2 “Luister mooi na wat ek sê.
Laat dít die troos wees wat julle my gee.
3 Luister geduldig na my terwyl ek praat.
Daarna kan julle my maar spot.+
4 As ek by ’n mens gekla het,sou my geduld al opgeraak het.
5 Kyk na my. Julle sal geskok weesen julle hand oor julle mond sit.
6 As ek daaraan dink, ontstel dit my,en my hele liggaam bewe.
7 Hoekom bly die goddeloses lewe?+
Hoekom word hulle oud en ryk?*+
8 Hulle het altyd hulle kinders by hulle,en hulle sien hulle nakomelinge.
9 Hulle huise is veilig, en hulle hoef niks te vrees nie.+
God straf hulle nie.
10 Hulle bulle is altyd vrugbaar.
Hulle koeie het geen misgeboorte nie.
11 Hulle seuns hardloop buite rond soos ’n kudde,en hulle kinders huppel rond.
12 Hulle sing terwyl daar op die tamboeryn en harp gespeel word,en hulle is vrolik terwyl daar op die fluit gespeel word.+
13 Hulle het ’n gelukkige lewe,en hulle gaan in vrede* na die Graf.*
14 Maar hulle sê vir die ware God: ‘Los ons uit!
Ons stel glad nie belang in u weë nie.+
15 Wie is die Almagtige, dat ons hom moet dien?+
Hoe sal ons daarby baat vind as ons hom leer ken?’+
16 Maar ek weet dat hulle geen beheer het oor hulle voorspoed nie.+
Ek dink glad nie soos die goddeloses nie.*+
17 Hoe dikwels word die lamp van die goddeloses uitgedoof?+
Hoe dikwels word hulle deur rampspoed getref?
Hoe dikwels vernietig God hulle in sy woede?
18 Word hulle ooit soos strooi in die winden soos kaf wat deur ’n stormwind weggewaai word?
19 God sal ’n man se kinders straf vir wat hy gedoen het.
Maar God moet hóm liewer straf sodat hy dit self kan voel.+
20 Mag sy eie oë sy ondergang sien,en mag hy self die woede van die Almagtige drink.+
21 Want hy weet nie wat met sy kinders gebeuras sy lewe verkort word nie.+
22 Kan enigiemand God iets leer?+
Hy is tog die een wat selfs die hoogste persone oordeel.+
23 Een man sterf terwyl hy nog baie krag het,+terwyl hy geen bekommernisse het nie en rustig lewe,+
24 terwyl sy bobene fris isen sy liggaam sterk is.*
25 Maar ’n ander man sterf terwyl hy baie bekommernisse het,sonder dat hy goeie dinge ondervind het.
26 Hulle sal al twee in die stof gaan lê,+en albei sal deur wurms geëet word.+
27 Kyk! Ek weet presies wat julle dinken watter planne julle teen my beraam.*+
28 Want julle sê: ‘Waar is die huis van die belangrike man,en waar is die tent waar die goddelose man gewoon het?’+
29 Het julle nog nie reisigers gevra nie?
Skenk julle nie aandag aan wat hulle sê nie?
30 Hulle sal vir julle sê dat ’n goddelose persoon gespaar word op die dag van rampspoeden gered word op die dag van woede.
31 Wie sal hom bestraf oor sy slegte weg?
En wie sal hom terugbetaal vir wat hy gedoen het?
32 Wanneer hy na die begraafplaas gedra word,sal daar wag gehou word oor sy graf.
33 Hy lê rustig in die grond van die vallei,*+en die hele mensdom gaan agter hom aan,+soos al die mense wat voor hom gesterf het.
34 Hoekom probeer julle my vertroos met woorde wat niks beteken nie?+
Julle woorde is bedrieglik!”
Voetnote
^ Of “magtig”.
^ Of “in ’n oomblik”, d.w.s. ’n vinnige en pynlose dood.
^ Of “Die raad van die goddeloses is ver van my af”.
^ Lett. “die murg van sy bene vogtig is”.
^ Of moontlik “watter planne julle beraam om met geweld teen my op te tree”.
