Jesaja 62:1-12
-
Sion se nuwe naam (1-12)
62 Ter wille van Sion sal ek nie stilbly nie,+en ter wille van Jerusalem sal ek nie stil wees nie,totdat haar regverdigheid soos ’n helder lig skyn+en haar redding soos ’n fakkel brand.+
2 “Die nasies sal jou regverdigheid sien, o vrou,+en al die konings jou heerlikheid.+
En jy sal ’n nuwe naam kry,+wat Jehovah self vir jou sal gee.
3 Jy sal ’n pragtige kroon word in die hand van Jehovah,’n koninklike tulband in die palm van jou God.
4 Jy sal nie meer ’n verlate vrou genoem word nie,+en jou land sal nie meer ’n woesteny genoem word nie,+maar jy sal genoem word: Sy is my vreugde,+en jou land sal genoem word: Getroude vrou.
Want Jehovah sal vir jou lief wees,en jou land sal as ’n vrou besit word.
5 Want net soos ’n jong man met ’n maagd trou,sal jou inwoners met jou trou.
Met die vreugde van ’n bruidegom oor ’n bruidsal jou God oor jou bly wees.+
6 Op jou mure, o Jerusalem, het ek wagte aangestel.
Hulle moet nooit stilbly nie, nie in die dag of in die nag nie.
Julle wat oor Jehovah praat,moenie ophou nie,
7 en moenie ophou om tot hom te bid totdat hy Jerusalem stewig vestig nie,ja, totdat hy haar die lof van die hele aarde maak nie.”+
8 Jehovah het met sy regterhand en met sy sterk arm gesweer:
“Ek sal jou graan nie meer vir jou vyande gee om te eet nie,en uitlanders sal nie jou nuwe wyn drink waarvoor jy hard gewerk het nie.+
9 Maar dié wat dit insamel, sal dit eet, en hulle sal Jehovah loof,en dié wat dit bymekaarmaak, sal dit in my heilige voorhowe drink.”+
10 Gaan deur die poorte, gaan deur die poorte.
Berei die weg vir die volk voor.+
Bou die pad. Bou die grootpad.
Verwyder die klippe.+
Rig ’n banier* vir die volke op.+
11 Kyk! Jehovah het tot aan die eindes van die aarde verkondig:
“Sê vir die dogter van Sion:
‘Jou redding kom.+
Die beloning wat God gee, is by hom,en die loon wat hy betaal, is voor hom.’”+
12 Hulle sal die heilige volk genoem word, dié wat deur Jehovah teruggekoop is,+en jy sal genoem word: Gewilde stad, ’n Stad wat nie verlate is nie.+
Voetnote
^ Of “seinpaal”.
