Jesaja 47:1-15
47 Kom af en gaan sit in die stof,maagdelike dogter van Babilon.+
Sit op die grond waar daar nie ’n troon is nie,+dogter van die Galdeërs,want mense sal jou nooit weer fyn en bederf noem nie.
2 Neem ’n handmeul en maal meel.
Haal jou sluier af.
Lig jou kleed op sodat jou bene kaal is.
Loop deur die riviere.
3 Jou naaktheid sal gesien word.
Jou skande sal geopenbaar word.
Ek sal wraak neem,+ en niemand sal in my pad staan nie.*
4 “Die Een wat ons teruggekoop het– Jehovah van die leërmagte is sy naam –is die Heilige van Israel.”+
5 Gaan sit in stilte en gaan in die donkerte in,dogter van die Galdeërs.+
Hulle sal jou nie meer Koningin* van Koninkryke noem nie.+
6 Ek het kwaad geword vir my volk.+
Ek het my erfdeel ontheilig,+en ek het hulle in jou hand gegee.+
Maar jy het geen genade aan hulle betoon nie.+
Jy het selfs op die oumense ’n swaar juk gesit.+
7 Jy het gesê: “Ek sal vir ewig die Koningin* wees.”+
Jy het nie aandag geskenk aan hierdie dinge nie.
Jy het nie gedink aan wat die uiteinde sou wees nie.
8 Luister nou, jy wat so lief is vir plesier,+wat in veiligheid sit en wat in jou hart sê:
“Ek is die belangrikste, en daar is niemand soos ek nie.+
Ek sal nie ’n weduwee word nie.
Ek sal nooit my kinders verloor nie.”+
9 Maar hierdie twee dinge sal skielik, op een dag, oor jou kom:+
Jy sal jou kinders verloor en ’n weduwee word.
Hierdie rampspoed sal in volle maat oor jou kom+as gevolg van* al jou towery en al jou kragtige towerspreuke.+
10 Jy het op jou goddeloosheid vertrou.
Jy het gesê: “Niemand sien my nie.”
Jou wysheid en kennis het jou mislei,en jy sê in jou hart: “Ek is die belangrikste, en daar is niemand soos ek nie.”
11 Maar rampspoed sal oor jou kom,en jou toorkuns sal dit nie keer nie.
Rampspoed sal jou tref. Jy sal dit nie kan keer nie.
Jou ondergang sal skielik kom, en dit sal erger wees as enigiets wat jy al ooit ondervind het.+
12 Hou dus aan met jou towerspreuke en al jou towery,+waarby jy van jongs af diep betrokke was.
Miskien sal jy daarby kan baat vind.
Miskien sal jy mense kan beïndruk.
13 Jy het moeg geword vir al jou raadgewers.
Laat hulle nou opstaan en jou red,dié wat die hemel aanbid* en na die sterre kyk,+wat elke nuwemaan bekend maakwat met jou sal gebeur.
14 Kyk! Hulle is soos strooi.
’n Vuur sal hulle verteer.
Hulle kan hulleself nie red van die mag van die vlam nie.
Dit is nie soos gloeiende kole wat ’n mens warm hou nieof soos ’n vuur om by te sit nie.
15 Dit is hoe jou towenaars vir jou sal word,dié saam met wie jy van jongs af hard gewerk het.
Hulle sal almal ronddwaal en in verskillende rigtings verstrooi word.
Daar sal niemand wees om jou te red nie.+
Voetnote
^ Of moontlik “en ek sal niemand vriendelik behandel nie”.
^ Of “Meesteres”.
^ Of “Meesteres”.
^ Of moontlik “ten spyte van”.
^ Of moontlik “dié wat die hemel verdeel; die sterrevoorspellers”.
