Mɛni O Susu Kaa E Maa Ba Hwɔɔ Se?
Anɛ je nɛ wa ngɛ mi nɛ ɔ . . .
-
maa hi kaa bɔnɛ e ngɛ ɔ lo?
-
ma puɛ kulaa lo?
-
maa hi pe bɔnɛ e ngɛ nɛ ɔ lo?
NƆ́ NƐ BAIBLO Ɔ DE
“Mawu ma tsu a hɛ mi vo nyu tsuo. Nɔ ko be gboe hu; nɔ ko be kɔmɔ yee hu; nɔ ko be ya foe hu, nɛ nɔ ko be nɔ́ nae hu. Ejakaa ní momo ɔmɛ a se po.”—Kpojemi 21:3, 4, Ngmami Klɔuklɔu ɔ.
BƆNƐ O MA NÁ HE SE HA
ANƐ WA MA NYƐ MA HE NƆ́ NƐ BAIBLO Ɔ DEƆ MAA YE NIINƐ LO?
Ee, ke e hí kulaa a, ngɛ yi mi tomi enyɔ a heje:
-
Mawu ma nyɛ ma ha nɛ e si womi ɔ maa ba mi. Ngɛ Baiblo ɔ mi ɔ, Yehowa Mawu pɛ ji nɔ nɛ a tsɛɛ lɛ ke “Ope,” ejakaa e ngɛ he wami pe nɔ tsuaa nɔ. (Kpojemi 15:3) Enɛ ɔ he ɔ, Yehowa ma nyɛ maa ye si nɛ e wo kaa e maa pee je nɛ wa ngɛ mi nɛ ɔ ehe ɔ nɔ. Kaa bɔnɛ Baiblo ɔ de ɔ, “Mawu lɛɛ e nyɛɔ peeɔ nɔ́ tsuaa nɔ́.”—Mateo 19:26.
-
Mawu suɔ kaa e maa ye e si womi ɔ nɔ. Kaa nɔ hyɛmi nɔ́ ɔ, Yehowa ngɛ he “bua jɔmi” kaa e ma tle nihi nɛ a gbo ɔ si kɛ ba wami mi ekohu.—Hiob 14:14, 15.
Jehanɛ se hu ɔ, Baiblo ɔ tsɔɔ kaa Yesu nɛ ji Mawu Bi ɔ tsa hiɔtsɛmɛ. Mɛni heje nɛ e tsa hiɔtsɛmɛ ɔ? Ejakaa e suɔ kaa e maa pee jã. (Marko 1:40, 41) Yesu peeɔ e ní kaa e Tsɛ ɔ, enɛ ɔ he ɔ, lɛ hu e suɔ kaa e maa ye bua nihi nɛ a hia yemi kɛ buami ɔ.—Yohane 5:19.
Enɛ ɔ he ɔ, wa ma nyɛ ma ná nɔ mi mami kaa Yehowa kɛ Yesu tsuo suɔ kaa a maa ye bua wɔ nɛ wa ná bua jɔ mi hwɔɔ se!—La 72:12-14; 145:16; 2 Petro 3:9.
MO SUSU HE NƐ O HYƐ
Mɛni blɔ nɔ Mawu maa gu kɛ pee je nɛ wa ngɛ mi nɛ ɔ ehe?
Baiblo ɔ ha sane bimi nɛ ɔ heto ngɛ MATEO 6:9, 10 kɛ DANIEL 2:44.
Eko ɔ, O Bua Maa Jɔ Enɛ ɔ Hu He
HWƆƆMI MƆ
Anɔkuale Nɛ Kɔɔ Níhi Nɛ Maa Ba Hwɔɔ Se ɔ He
Ha nɛ hɛ kɛ nɔ fɔmi nɛ o ngɛ ngɛ níhi nɛ Mawu de kɛ kɔ zugba a kɛ nihi nɛ a maa hi nɔ ɔ he ɔ mi nɛ wa.
ESSENTIAL BIBLE TEACHINGS
Mɛni Ji Mawu Matsɛ Yemi ɔ?
Yesu tu Mawu Matsɛ Yemi ɔ he munyu wawɛɛ pe ní kpahi ngɛ e fiɛɛmi ní tsumi ɔ mi. E se nyɛɛli ɔmɛ kɛ jeha babauu sɔle konɛ Matsɛ Yemi ɔ nɛ ɔ nɛ ba.
HWƆƆMI MƆ
Mɛni Mawu Matsɛ Yemi ɔ Ma Tsu?
Yesu le kaa Mawu Matsɛ Yemi ɔ pɛ ji nɔ yemi nɛ ma tsu adesahi a nyagbahi a he ní. Mɛni nɛ Mawu Matsɛ Yemi ɔ tsu momo nɛ lɔ ɔ ha nɛ wa ná nɔ mi mami ngɛ Matsɛ Yemi ɔ mi?
WA HE SANEHI
Mo Bi Nɛ A Ba Slaa Mo
Nyɛ ma nyɛ ma susu Baiblo mi sane bimi ko he, aloo nyɛ ma nyɛ maa kase Yehowa Odasefohi a he ní.
