Anɛ o bua jɔ nɔ́ nɛ o kase ɔ he lo?
Anɛ o suɔ nɛ o maa kase babauu ngɛ Baiblo ɔ mi kɛ piɛɛ he lo?
Níhi nɛ o maa na ngɛ womi nɛ ji O Ma Nyɛ Ma Ná Bua Jɔmi Kɛ Ya Neneene!—Moo Kase Baiblo ɔ Nɛ́ O Ná He Se ɔ mi bɔɔ komɛ pɛ ji nɛ ɔ nɛ.
A jua we womi nɛ ɔ, nɛ o be hiɔ hu woe ngɛ ní nɛ o maa kase ɔ he. Wa bua maa jɔ kaa waa kɛ mo maa kase Baiblo ɔ ngɛ be nɛ maa da mo ɔ mi, kɛ he nɛ o suɔ nɛ waa kase ngɛ.
Níhi nɛ o maa kase ngɛ Baiblo ɔ mi ɔ ekomɛ ji:
Yi mi tomi nɛ ngɛ wami he
Bɔ nɛ o ma plɛ kɛ ná tue mi jɔmi nitsɛnitsɛ
Bɔ nɛ wekuhi ma plɛ kɛ ná bua jɔmi ha
Sihi nɛ Baiblo ɔ wo kɛ kɔ hwɔɔ se he
Ke o ngɛ hlae nɛ o nine nɛ su womi nɛ ɔ eko nɔ konɛ o nyɛ nɛ o tsa Baiblo ɔ kasemi nɔ ɔ, wa kpa mo pɛɛ nɛ o de Yehowa Odasefo ɔmɛ a kpɛti nɔ kake, loo moo ngma kɛ bi ngɛ jw.org nɛ a kɛ mo nɛ ba kase Baiblo ɔ.
Eko ɔ, O Bua Maa Jɔ Enɛ ɔ Hu He
SANEHI NƐ NIHI PƆƆ BIMI
Mɛni Blɔ Nya Yehowa Odasefohi To Nɛ́ Nihi Kɛ Kaseɔ Baiblo ɔ?
Yehowa Odasefohi kɛ nihi kaseɔ Baiblo ɔ nɛ a he we nɔ́ ko. Ke a kɛ mo ngɛ Baiblo ɔ kasee ɔ, o ma nyɛ maa ngɔ Baiblo sisi tsɔɔmi fɛɛ ko kɛ tsu ní. O ma nyɛ maa fɔ o weku ɔ, aloo o huɛmɛ nine nɛ a ba piɛɛ o he kɛ kase ní ɔ.
