Lubanga tye ka winyo. Baibul cuko cwinywa ni “Rwot [Jehovah] tye cok bot jo ducu ma kok bote, ma gikok bote ki ada . . . dok winyo kokogi.”​—Jabuli 145:18, 19.

Lubanga mito ni ileg bote. Baibul kwayowa ni: “I lok ducu wumi Lubanga onge gin ma wumito i lega ki i bako dogwu kacel ki miyo pwoc bene.”​—Jo Pilipi 4:6.

Lubanga ada paro piri. Lubanga ngeyo parwa ki kit ma wawinyo kwede, dok mito konyowa. Baibul waco ni, “Wuket parwu ducu i kome, pien en tamo piwu.”​—1 Petero 5:7.