JO MOGO GITAMO NI dano aye gucako dini; mukene gitamo ni Lubanga tiyo ki dini me nyiko dano cok bote. In itamo ningo?

GIN MA BAIBUL WACO

Tye “dini me ada maleng, ma cilo pe iye i nyim Lubanga Wonwa.” (Yakobo 1:27) Dini maleng, nyo me ada a ki bot Lubanga.

NGO MUKENE MA WAPWONYO KI I BAIBUL

• Me yomo cwiny Lubanga, dini myero ojenge i kom lok ada me Baibul.​—Jon 4:23, 24.

• Dini ma jenge i kom tam pa dano konye pe dok bedo calo ryemo kor yamo.​—Marako 7:7, 8.

ITWERO WACONE NINGO?

• Eyo

• Pe

• Lubo

GIN MA BAIBUL WACO

“Myero watamu kit macalo watwero tugo kwede cwinywa kekenwa i mar ki i tiyo tic mabeco, kun pe waweko cokke kacel.” (Jo Ibru 10:24, 25) Lubanga mito ni jo ma wore myero gucokke kacel macalo gurup ma guyubbe maber.

NGO MUKENE MA WAPWONYO KI I BAIBUL

• Jo ma giworo Lubanga kacel myero gubed ma gunotte i niye acel.​—1 Jo Korint 1:10, 11.

• Jo ma gitye i dini ma Lubanga cwako myero guribbe kacel ki utmegigi ma i twok lobo ducu.​—1 Petero 2:17.