Itwero Nongo Tira ma Genne ki Kwene i Kare-ni?
I lobo man ma tye ka lokke oyotoyot-ti, itwero bedo ki gen nining ni tam ma imoko bikelli yomcwiny? Itwero ngeyo nining ni gin ma kitero ni tye atir i kare-ni pe dok diki kibitero ni rac?
Baibul twero konyi me moko tam ma pe biweko ikoko ange. Meno twere nining? Twerre pien Baibul oa ki bot Lacwecwa, dok en ngeyo gin ma bikeliwa yomcwiny me ada kacel ki anyim maber.
“Rwot [Jehovah] dong onyutti gin maber.”—Mika 6:8.
Watwero geno tam me ryeko ma nonge i Baibul. Cik ma i Baibul “gimoko matwal dok giri nakanaka.”—Jabuli 111:8.
Wacuko cwinyi me ngiyo piri keni kit ma Baibul twero konyi kwede i lobo man ma tye ka lokke oyotoyot-ti.
Itwero Bedo ki Miti i kom Lok Man
PWONY MA PIGI TEGO ME BAIBUL
Wangeyo Nining ni Lok me Baibul Tye Kakare?
Ka Baibul obedo lok pa Lubanga, ci myero obed pat adada ki buk mo keken ma kicoyo.
LOK MADOK I KOMWA
Peny Wek Kilimi
Nyam lapeny mo me Baibul, nyo pwony lok mapol madok i kom Lucaden pa Jehovah.
