KIT ME CAKO LOK
PWONY ME 2
Pe Idid Lok
Cik ma iye lac: ‘Lok ma kiloko i kare ma mitte kikome—ber mada!’—Car. 15:23.
Gin ma Pilipo Otimo
1. Nen VIDIO, nyo kwan Tic pa Lukwena 8:30, 31. I nge meno, tam i kom lapeny magi:
Pwony Ango ma Wanongo ki Bot Pilipo?
2. Ka wamiyo kare wek boko lokwa owot mapwot, ci twero weko ngat ca bedo agonya dok ye winyo kwenawa.
Lub Lanen pa Pilipo
3. Bed ma wangi bit. Itwero niang jami mapol i kom ngat moni ki i neno kit ma en obedo kwede, kit ma wito kwede ki cinge, kacel ki kit ma wange nen kwede. Tika en nen calo mito lok kwedi? Itwero cako lok i kom gin mo ma tye i Baibul ki penyo ni, “Tika onongo ingeyo ni . . . ?” Pe idid lok ki ngat ma pe mito lok kwedi.
4. Di cwinyi. Pe itam ni omyero icak lok me Baibul cutcut ma irwatte ki dano-ni. Kur kare mupore me lok i kom Baibul ma pe idido adida. I kare mukene, man twero mito ni ikur wang ma irwatte ki dano-ni i nino mukene.
5. Bed atera me timo alokaloka. Dano-ni twero cako lok i kom gin mo mapat ma onongo pe ibyeko. Pi meno, bed atera me nywako gin mo ki i Baibul ma gudo cwiny dano meno, kadi bed bimitte ni wunyam lok ada mapat ki ma onongo iyubo.
