Yecu ngeyo kit ma dano giwinyo kwede ka kitye ka terogi marac. Kimoro adot gobagoba i kome, kigoye i wi alii, kipido i kome ma pe otimo bal mo, kingolo kop alenga i wiye, dok kineke nek alany. Kadi bed en onongo pe ki bal mo, en ojalle pire kene me miyo “kwone me koko jo mapol.” (Matayo 20:28; Jon 15:13) Dong, cokcok-ki, macalo Kabaka me Ker pa Lubanga, en bikelo ngolo kop atir i wi lobo ducu, kun giko tim me turo cik matwal.—Icaya 42:3.

 Baibul tito kit ma lobo bibedo kwede ka Yecu dong ocako ticce:

•   “Odong kare manok, ci dano marac dong bibedo pe matwal; kadi ingi i kabedone maber, ibinongo ni en dong pe kunnu. Ento jo mamwol aye gibicamo lobo; gibibedo ki yomcwiny pi lonyo madwong ma gibilimo.”—Jabuli 37:10, 11.

 Watwero nyuto pwocwa nining pi jami ducu ma Yecu dong otimo dok bitimone piwa i anyim? Kit ma kicoyo kwede i Luka 22:19, Yecu owaco ki lulub kore ni gupo pi tone. Pi tyen lok meno, Lucaden pa Jehovah gicokke kacel mwaka ki mwaka i nino ma en oto iye. Wajoli me ribbe kwedwa i kwero Nipo me to pa Yecu ma bitimme i Ceng Cabit, Marci 24, 2024.

Nong ka ma kibikwero iye Nipo