Ceng Abic, nino dwe 24 me Febuari, mwaka 2023, bibedo mwaka acel nicakke ma gin mo marac adada otimme: acakki me lweny i lobo Ukraine. Ma lubbe ki ripot mogo, lumony me Ukraine ki Russia ma romo 300,000 dong guto i lweny man nyo gunongo awano, dok kibyeko ni lutedero ma romo 30,000 bene gurwenyo kwogi. Ento, nen calo welle dwong loyo byek magi.

 Ki cwercwiny, lweny man nen calo pe bigik cokcok-ki.

•   “Cokcok mwaka acel nicakke ma lumony me Russia gudonyo kwede i Ukraine, pe tye gin mo ma nyuto ni lweny man bigik cokcok-ki. Nen calo lobo Russia nyo Ukraine pe biloyo lweny man, dok bene nen calo pe twere ki lobe aryo-ni me winye i kingi.”—NPR (National Public Radio), Febuari 19, 2023.

 Jo mapol cwinygi tye ka cwer pi arem ki deno can ma lweny man kacel ki lweny mukene tye ka kelone i kom dano ma pe gutimo bal mo i twok lobo ducu. Gen ango ma Baibul miyo? Tika lweny bigik?

 Baibul tito pi lweny mo ma bilaro dano, ento pe bityekogi. Lweny meno aye Armagedon, dok kilwongo ni ‘lweny me nino madit pa Lubanga Won Twer Ducu.’ (Niyabo 16:14, 16) Lubanga bitic ki lweny meno me giko gamente ducu, ma gukelo lweny ma oneko dano mapol. Me niang kit ma Armagedon bikelo kwede kuc marii, kwan pwony magi:

•   “Lweny me Armagedon Obedo Ngo?”

•   “Armagedon Obedo Kwena Maber!”