Dano madwong i twok lobo ducu giwinyo ni gitye kickic dok gitamo ni pe gitwero bedo ki lurem macok. Ludiro mogo me yotkom gitamo ni konyo jo mukene obedo yo acel me lweny ki bedo kickic.

•   “Konyo jo mukene ma gitye ki peko twero miyo kwowa bedo ki tyen lok dok konyowa pe me bedo kickic nyo bedo mabor ki jo mukene.”—U.S. National Institutes of Health.

 Baibul miyo tam mabeco i kom gin ma watwero timo me konyo jo mukene. Keto i tic gin ma Baibul pwonyo twero konyowa pe me bedo kickic.

 Bed ngat ma cinge yot. Nong kare me bedo ki jo mukene wang ki wang. Bed atera me nywako ki jo mukene jami ma itye kwede. Ka itimo meno, gibibedo ki pwoc adada dok man twero konyowu me doko lurem.

•   Pwony me Baibul: ‘Wumi, ci dano bene gibimiyo botwu.’—Luka 6:38.

 Ti ki keroni me konyo jo mukene. Yeny yo me konyo jo ma gitye ka kato ki i kwo matek. Meno kwako winyo lokgi ki cwiny me kica nyo jalle me timo jami ma twero weko giwinyo maber.

•   Pwony me Baibul: “Ngat ma larem bedo ki mar i kare ducu.”—Carolok 17:17.

 Pi ngec mapol i kom kit ma itwero bedo kwede ki wat maber ki jo mukene, kwan pwony ma wiye tye ni “Kwo me Ot ki Lurem.”