Абиблиа аҟынтә аҿырԥштәқәа

• Аԥс 78:40, 41; 106:36—46. Израильаа лассы-лассы Иегова игәы шидырхьуазгьы, иара урҭ иранаижьуан.

• Лк 15:11—32. Иисус Иегова шаҟа арыцҳашьара илоу даналацәажәоз, аб ииашамкәа зхы мҩаԥызгоз, аха нас иахьхәыз иԥа дышидикылаз атәы аҿырԥштәы ааигеит. Уи ала иаҳирбеит Иегова шаҟа гәыкала иҳанаижьуа.

Абиблиа аҟынтә аҿырԥштәқәа

• Аур 9:22—28. Апостол Павел иҳәеит Иисус ҳара ҳзы ишьа ахькеиҭәаз абзоурала Иегова ҳагәнаҳақәа ҳанаижьлар шилшо.

• Аат 7:9, 10, 14, 15. Апостол Иоанн иҳәеит Иегова «ԥхьаӡашьак змам ауаа рацәа» рыгәнаҳақәа шранаижьуа, избанзар дара Христос иҿыхратә ԥсхҭынҵара агәра ргоит.

 Абиблиа аҟынтә аҿырԥштәқәа

• Иов 42:7—10. Елифази, Билдади, Цофари акгьы зхарамыз Иов ахара идырҵеит. Аха Иегова Иов дихәышәтәаанӡа, насгьы меигӡарахда дизылԥхаанӡа, раԥхьа урҭ ахҩык рзы диҳәарц иеиҳәеит.

• Мф 18:21—35. Иисус еиҭеиҳәаз аҿырԥштәала ибзиаӡаны иаҳирбеит Иегова иҳанаижьларц ҳҭахызар, ҳаргьы егьырҭ иранаҳажьлар шҳахәҭоу.

Абиблиа аҟынтә аҿырԥштәқәа

• Аԥс 32:1—5; 51:1, 2, 16, 17. Аҳ Давид иҟаиҵаз агәнаҳа ӷәӷәақәа ирыхҟьаны иламыс даргәаҟуан, насгьы гәыкала урҭ дрыхьхәуан.

• Иак 5:14—16. Иаков иҳәеит агәнаҳа ӷәӷәа ҟаҳҵазар, аизара ахылаԥшыҩцәа ацхырааразы ҳрыҳәар шҳахәҭоу.

Абиблиа аҟынтә аҿырԥштәқәа

• 1Аҳ 21:27—29; 2Аш 18:18—22, 33, 34; 19:1, 2. Аҳ Ахав ианеиликаа Иегова дахьирхәырц шиҭаху, ахынраалара ааирԥшит. Аха иара гәыкала игәнаҳақәа дырхьымхәӡеит, убри аҟынтә Иегова ианаимыжьӡеит, аҵыхәтәаны дагьҭаирхеит.

• 2Аш 33:1—16. Аҳ Манассиа агәнаҳа ӷәӷәақәа рацәаны иҟаиҵеит, аха гәыкала урҭ дрыхьхәит, Иеговагьы уи ианаижьит. Уи ашьҭахь Манассиа амцнцәахәқәа рымҵахырхәара ықәихырц, насгьы ауриацәа Иегова имаҵ руларц азы иҟаиҵаз рацәан.

Абиблиа аҟынтә аҿырԥштәы

• 2См 12:13; 24:1; 1Аҳ 9:4, 5. Давид агәнаҳа ӷәӷәақәа ҟаиҵеит, аха урҭ дрыхьхәит, убри аҟынтә Иегова ианаижьит. Аамҭак ашьҭахь Иегова Давид гәыкала изиашаз ауаҩ иеиԥш дихцәажәон.

 Абиблиа аҟынтә аҿырԥштәқәа

• Мф 26:36, 40, 41. Иисус изааигәаз иҩызцәа рыцхыраара еиҳараӡак ианиҭахыз аамҭазы дара амхацәеит. Уи игәы шинархьызгьы, иара еиликаауан урҭ ицхраарц шырҭахыз, аха иааԥсаны ишыҟаз.

• Мф 26:69—75; Лк 24:33, 34; Аус 2:37—41. Пиотр Иисус дсыздырӡом ҳәа ҳәаны хынтә мап ицәикит, аха уи гәыкала дахьхәит, Иисусгьы уи ианаижьит. Иара иԥсы анҭала ашьҭахь Пиотр дизцәырҵит, ԥыҭрак ашьҭахьгьы аизараҿы иҷыдоу адҵақәа ииҭеит.

Абиблиа аҟынтә аҿырԥштәқәа

• Мф 23:29—33. Иисус азакәанрҵаҩцәеи афарисеицәеи ргәырҽаниҵеит русқәа ирхьымхәыр, геенна ишалажьхо, даҽакала иуҳәозар, наӡаӡа ишықәгахо.

• Ин 17:12; Мк 14:21. Иисус Иуда Искариот дшиҭиуа идыруан, убри аҟынтә «аҭахара аԥа» ҳәа изиҳәеит, насгьы уи зынӡа дымизҭгьы изеиӷьын ҳәа иҳәеит.