“Ọlọ́run . . . máa nu gbogbo omijé kúrò ní ojú wọn, ikú ò ní sí mọ́, kò ní sí ọ̀fọ̀ tàbí ẹkún tàbí ìrora mọ́. Àwọn nǹkan àtijọ́ ti kọjá lọ.”​—Ìfihàn 21:3, 4, Bíbélì Ìtumọ̀ Ayé Tuntun.

Wàá ní iṣẹ́ gidi tó máa tẹ́ ọ lọ́rùn.​—Àìsáyà 65:21-23.

Kò ní sí àìsàn àti ìyà kankan mọ́.​—Àìsáyà 25:8; 33:24.

Inú rẹ á máa dùn, wàá sì lè wà láàyè títí láé pẹ̀lú mọ̀lẹ́bí àtàwọn ọ̀rẹ́ rẹ.​—Sáàmù 37:11, 29.

Bẹ́ẹ̀ ni. Méjì lára ìdí tó fi yẹ ká gba ọ̀rọ̀ Bíbélì gbọ́ rèé:

• Ìlérí Ọlọ́run kì í yẹ̀. Jèhófà Ọlọ́run nìkan ṣoṣo ni Bíbélì pè ní “Olódùmarè” torí pé agbára rẹ̀ kò láàlà. (Ìfihàn 15:3) Torí náà, ó lágbára láti mú ìlérí rẹ̀ ṣẹ pé òun máa bá wa tún ayé yìí ṣe. Bíbélì sọ pé, “ohun gbogbo ṣeé ṣe fún Ọlọ́run.”​—Mátíù 19:26.

• Ọlọ́run fẹ́ mú ìlérí rẹ̀ ṣẹ. Bí àpẹẹrẹ, ó ń wu Jèhófà gan-an pé kó jí àwọn tó ti kú dìde.​—Jóòbù 14:14, 15.

  Bíbélì tún jẹ́ ká mọ̀ pé Jésù, Ọmọ Ọlọ́run, mú àwọn aláìsàn lára dá. Kí nìdí tó fi wò wọ́n sàn? Ìdí ni pé ó wù ú pé kó ṣe bẹ́ẹ̀. (Máàkù 1:40, 41) Bí Jésù ṣe máa ń fẹ́ ran àwọn èèyàn lọ́wọ́ ń gbé ìwà Baba rẹ̀ yọ.​—Jòhánù 14:9.

  Torí náà, ó dá wa lójú pé Jèhófà àti Jésù fẹ́ kí ọjọ́ ọ̀la wa dùn bí oyin!​—Sáàmù 72:12-14; 145:16; 2 Pétérù 3:9.