Ema neʼebé mate ona bele moris fali ka lae?
Tuir Ita-nia hanoin, . . .
-
sin?
-
lae?
-
karik?
SAIDA MAK BÍBLIA HATETE?
“Maromak sei fó moris-hiʼas ba ema.”—Apóstolu 24:15, Tradusaun Mundu Foun.
NEʼE LORI BENEFÍSIU SAIDA BA ITA?
Ita bele hetan kmaan maski ema neʼebé ita hadomi mate.—2 Korinto 1:3, 4.
Ita la hanoin barak kona-ba mate.—Ebreu 2:15.
Ita bele fiar metin katak Ita sei hasoru fali Ita-nia família no belun neʼebé mate ona.—João 5:28, 29.
ITA BELE FIAR DUNI BUAT NEʼEBÉ BÍBLIA HATETE KA LAE?
Bele, tanba razaun tolu:
-
Maromak mak kria moris hotu. Bíblia hatete katak Maromak Jeová mak “hun ba moris”. (Salmo 36:9; Apóstolu 17:24, 25) Nia mak fó moris ba kriatura hotu, tan neʼe nia bele fó moris fali ba ema neʼebé mate ona.
-
Uluk Maromak fó moris-hiʼas ba ema neʼebé mate ona. Bíblia temi kona-ba ema naʼin-ualu neʼebé hetan ona moris-hiʼas, inklui mós feto no labarik. Balu mate no lakleur hetan moris-hiʼas, maibé iha ida neʼebé mate no hakoi ba loron haat mak hetan moris-hiʼas.—João 11:39-44.
-
Maromak hakarak tebes atu fó moris-hiʼas ba ema neʼebé mate ona. Mate mak hanesan Maromak Jeová nia inimigu. (1 Korinto 15:26) Nia hein namanas atu halakon inimigu neʼe no fó moris-hiʼas ba ema neʼebé mate ona. Maromak hakarak tebes atu haree ema mate sira moris hiʼas fali iha mundu neʼe.—Job 14:14, 15.
HANOIN TOʼOK
Tanbasá mak ita sai ferik-katuas no mate?
Bíblia fó resposta ba pergunta neʼe iha GÉNESIS 3:17-19 no ROMA 5:12.
Karik Ita sei gosta
HANORIN IMPORTANTE SIRA HUSI BÍBLIA
Saida mak akontese kuandu ema mate?
Bíblia promete katak loron ida, ema barak neʼebé mate ona sei moris fila fali, hanesan ho Lázaro.
PERGUNTA KONA-BA BÍBLIA
Saida mak moris-hiʼas?
Karik ita sei hakfodak kona-ba ema sé deʼit mak sei hetan moris-hiʼas iha futuru.
KONA-BA AMI
Tanbasá Estuda Bíblia?
Bíblia ajuda ona ema rihun ba rihun iha mundu tomak hodi hatán ba sira-nia pergunta kona-ba moris. Ita mós hakarak hetan resposta ka lae?
BÍBLIA NIA HANORIN
Koko ami-nia kursu Bíblia
Hahú kursu Bíblia ho gratuitu hamutuk ho Testemuña ida.
