•   Anzoni ye so ayeke na yâ ti Bible 3-5

  •   Diskur 3

  •   Gi anzoni ye so ayeke na yâ ti Bible 4

  •   Dikongo Bible 5

•   Maï akode ti fango ye ti mo 6-14

  •  Tongo nda ti mbeni lisoro 7

  •  Sarango avizite 8

  •  Sarango adisciple 9

  •  Fango nda ti aye so mo mä na bê na ni 10

  •  Diskur 11

  •  Devoir 12

  •  Acadre 13

  •  Sarango kua na avidéo nga na ambeti 14

•  Gigi ti e ti Chrétien 15-16

  •  Mandango Bible ti Congrégation 16

•  Atënë ti nda ni 17

•  Gondango zo nga na mungo wango 18

•  Ngoi 19

•  Vizite ti surveillant ti circonscription 20

•  Yenga ti akota bungbi 21

•  Yenga ti Mémorial 22

•  Surveillant ti bungbi ti Kusala ti e nga na gigi ti e 23

•  Président ti bungbi ti Kusala ti e nga na gigi ti e 24

•  Use wamungo wango 25

•  Ambeni salle 26

•  Avidéo 27

1. Awango so ayeke na yâ ti mbeti so ayeke aidé azo kue so ayeke mû mbage na bungbi Kusala ti e nga na gigi ti e ti Chrétien. Kozo ti leke mbage so a mû na ala, ala doit ti kiri ti bâ awango so andu mbage ni so na yâ ti Mbeti ti bungbi: Kusala ti e nga na gigi ti e. A doit ti wa awafango tënë kue ti duti nduru ti mû iri ti ala ti sara adevoir. Ambeni zo so ayeke ga na bungbi lakue alingbi nga ti sara adevoir tongana ala yeda na afango ye ti Bible nga tongana fini ti ala ague oko na amama-ndia so ayeke fa lege na aChrétien. Tongana mbeni zo so ayeke wafango tënë ape aye ti zia iri ti lo ti sara devoir, Surveillant ti Kusala ti e nga na gigi ti e ayeke sara lisoro na lo na ndö ti aye so a hunda ti sara kozo ti sara devoir nga na pekoni lo yeke fa na lo wala lo lingbi ti sara devoir ni. A doit ti sara ni ensemble na zo so ayeke manda Bible na lo (wala na babâ wala mama ti zo ni so ayeke ita). Aye so a hunda ayeke même na ati so a hunda na zo ti sara kozo ti ga wafango tënë so ade ti wara batême ape.—od chap. 8 par. 8.

1. 2. Penze-ngbonga oko. Yenga oko oko, na peko ti bia na sambela ti tongo nda ni, ti bungbi ti Kusala ti e nga na gigi ti e ayeke sara tënë na ndö ti aye so e yeke bâ na ngoi ti bungbi ni. Président ni adoit ti luti na ndö ti atënë so congrégation ayeke wara aye ti nzoni mingi dä.

 3. Diskur: Penze-ngbonga 10. A zia li ti diskur ni nga na akota tënë use wala ota ti diskur ni na yâ ti Mbeti ti bungbi: Kusala ti e nga na gigi ti e. A yeke mû diskur so na mbeni ancien wala na mbeni wakua ti mungo maboko so alingbi. Tongana dikongo Bible ti yenga ni atï na ndö ti mbeni fini mbeti ti Bible, a yeke zia ande mbeni vidéo so afa nduru tënë na ndö ti mbeti ni. Wamungo diskur ni alingbi ti fa ambeni tënë so ayeke na yâ ti vidéo ni so ague oko na mama-tene ni. Me, a lingbi lo sigi na akota tënë so ayeke na yâ ti mbeti ti bungbi ni. Nga, tongana ngoi angbâ, a lingbi lo sara kua na a-image, so a zia ni ndali ti mbage so a yeke sara. Lo lingbi nga ti sara kua na ambeni mbeti nde so atënë ti yâ ni ague oko na atënë ti diskur ni.

 4. Gi anzoni ye so ayeke na yâ ti Bible: Penze-ngbonga 10. A yeke sara mbage so na lege ti ahundango tënë na kiringo tënë, sân tënë ti tongo nda ni wala ti kongo nda ni. Mbeni ancien wala mbeni wakua ti mungo maboko so alingbi la ayeke sara mbage so. A lingbi lo hunda atënë ni use kue na azo so aga. Nga, a yeke na lo ti bâ wala a doit ti diko aversê kue so a zia dä wala pëpe. Acommentaire so a mû adoit ti hon seconde 30 ape.

 5. Dikongo Bible: Penze-ngbonga 4. Mbeni ita-koli la ayeke sara mbage so. Élève ni adoit ti diko aversê ni sân tënë ti tongo nda ni wala ti kongo nda ni. Président ti bungbi ni ayeke bâ ande tongana nyen la lo peut ti mû maboko na élève ni ti diko ye ni nzoni si zo amä yâ ni, asua nzoni, lo luti mbilimbili na ndö ti akota tënë ni, lo changé totongo ti go ti lo, lo wu terê alingbi na ni nga lo diko ye ni tongana ti so lo yeke sara ka na tënë. So ambeni mbage ti Bible ni ayo mingi ape na ambeni ayo mingi, surveillant ti bungbi ti Kusala ti e nga na gigi ti e adoit ti bâ ngangu ti dikongo ye ti a-élève ni na ngoi so lo yeke mû adevoir ni na ala.

6. Penze-ngbonga 15. A leke mbage so ti mû lege na azo kue ti tara terê ti ala ndali ti fango tënë nga ti maï akode ti ala ti fango tënë nga na ti fango ye. Awafango tënë adoit ti sara kua na tënë ti kode ti sarango na lisoro so ayeke na yâ ti Mbeti ti bungbi: Kusala ti e nga na gigi ti e. Me tongana a fa mbeni ye nde ape, ala peut ti soro ala wani mbeni hunda, mbeni versê, mbeni hunda ti vizite ti peko wala mbeni cadre so alingbi na territoire ti ala. Tongana a yeke kota ye ti sara ni, a peut ti mû na a-ancien adevoir ti a-élève. Élève oko oko adoit ti sara ye ague oko na point ti ye ti manda ti yâ ti brochure Fango ye wala brochure Ndoye azo so a zia na yâ ti parenthèse na terê ti devoir ti lo na yâ ti Mbeti ti bungbi: Kusala ti e nga na gigi ti e. Na ambeni ngoi a yeke leke ti sara lisoro na ndö ti mbeni mbage. Mbeni ancien wala mbeni wakua ti mungo maboko so alingbi la ayeke sara mbage so.—Bâ  paragraphe 15 na ndö ti lege so a yeke sara ambage so andu lisoro.

 7. Tongo nda ti mbeni lisoro: A peut ti mû devoir so na mbeni ita-koli wala mbeni ita-wali. Zo so lo na lo ayeke sara ni adoit ti duti mba ti lo koli wala mba ti lo wali, wala mbeni zo ti sewa ti lo. Ala peut ti duti wala ti luti.—Ti hinga ye mingi na ndö ti devoir nga na cadre ni bâ  paragraphe 12 na  13.

 8. Sarango avizite: A peut ti mû devoir so na mbeni ita-koli wala mbeni ita-wali. Zo so lo na lo ayeke sara ni adoit ti duti mba ti lo koli wala mba ti lo wali, wala mbeni zo ti sewa ti lo. (km 5/97 l. 2) Ala peut ti duti wala ti luti. Élève ni ayeke fa tongana nyen ti sara vizite na mbeni zo so tënë ni agbu bê ti lo na ngoi ti kozo tingbingo terê.—Ti hinga ye mingi na ndö ti devoir nga na cadre ni, bâ  paragraphe 12 na  13.

 9. Sarango adisciple: A peut ti mû devoir so na mbeni ita-koli wala mbeni ita-wali. Zo so lo na lo ayeke sara ni adoit ti duti mba ti lo koli wala mba ti lo wali, wala mbeni zo ti sewa ti lo. (km 5/97 l. 2) Ala peut ti duti wala ti luti. Mbage so ayeke fa sarango mbeni étude so a komanse déjà awe. Élève ni ayeke na bezoin ape ti tene tënë ti tongo nda ni wala ti kongo nda ni, me lo peut ti sara ni gï tongana a mû na lo apoint so andu ni si. A yeke kota ye ape ti diko aparagraphe ni kue na kota go na ngoi ti devoir ni, atâa so apeut ti sara ni. Élève ni adoit ti sigi na anzoni kode ti fango ye.

 10. Fango nda ti aye so mo mä na bê na ni: Tongana a hunda ti sara ni tongana diskur, mbeni ita-koli la ayeke sara ni. Tongana a hunda ti sara ni tongana démonstration, mbeni ita-koli wala mbeni ita wala apeut ti sara ni. Zo so lo na lo ayeke sara ni adoit ti duti mba ti lo koli wala mba ti lo wali, wala mbeni zo ti sewa ti lo. Élève ni adoit ti kiri tënë polele nga na kode na hunda ti li tënë ni na lege so lo yeke sara kua na atënë so lo wara na ndo so a tokua lo dä. A yeke na lo ti bâ wala lo yeke fa mbeti so lo sara na kua na ni wala pëpe.

 11. Diskur: Mbeni ita-koli la ayeke sara ni nga lo yeke sara ni tongana mbeni diskur na congrégation. Tongana diskur ni aluti na ndö ti Ambeni tënë: Mbage A ti brochure Ndoye azo, élève ni adoit ti gboto lê na ndö ti fason so a peut ti sara kua na versê, wala aversê ni, na fango tënë. Na tapande, lo peut ti fa ngoi so a peut ti sara kua na versê ni, versê ni aye ti tene nyen nga tongana nyen ti sara lisoro na ni na mbeni zo. Tongana diskur ni aluti na ndö ti mbeni ye ti manda ti brochure Ndoye azo, élève ni adoit ti fa tongana nyen ti sara kua na ni na fango tënë. Lo peut ti gboto lê na ndö ti tapande so ayeke na point 1 ti ye ti manda ni wala na ndö ti mbeni versê so ayeke na gbe ti li ti tënë Bâ nga so ayeke na yâ ti ye ti manda ni, tongana a peut ti aidé.

   12. Devoir: A yeke sara kua na tënë so ayeke na yâ ti paragraphe so nga na ati so ayeke na gbe ni ge tongana devoir ni ayeke “Tongo nda ti mbeni lisoro” wala “Sarango avizite”. Tongana a fa mbeni ye nde ape, ye so élève ni azia na gbele lo ayeke ti fa tâ tënë ti Bible na mbeni fason so ayeke simple ti lingbi na zo so lo yeke sara tënë na lo nga ti zia mbeni tënë ndali ti lisoro ti peko. Élève ni adoit ti soro mbeni tënë so alingbi na ngoi ni nga so agbu bê ti azo ti ndo ni. Lo peut ti soro ti mû na zo ni mbeni mbeti wala ti fa na zo ni mbeni vidéo so ayeke na popo ti agbakuru so e yeke fa na ye na azo, wala pëpe. Ahon ti tene élève ni asara gï peko ti vidéo ni, lo doit ti maï kode ti lo ti sarango lisoro na azo, na tapande ti bibe na zo nga ti sara tënë na fason ti lo wani.

   13. Acadre: Élève ni adoit ti sara kua na cadre so a mû na lo alingbi na aye so asi na ndo so lo yeke dä. Na tapande:

1.  (1) Da na da: Cadre so andu fango tënë da na da (atâa a yeke lê na lê, na lege ti téléphone wala na lege ti lettre) nga sarango vizite na mbeni zo so e wara lo na fango tënë da na da.

2.  (2) Fango tënë na alege kue so azi: Cadre so afa tongana nyen la e peut ti profité na ngoi so e yeke sara senge lisoro na azo ti fa tënë na ala. A peut ti ndu fango mbeni pensé ti Bible na mbeni zo so mo wara lo na place ti kua, na ekole, na mbeni voizin ti mo, wala na mbeni zo so mo wara lo na ndo so azo ayeke mû oto dä wala na ando so mo yeke sara akua dä lâ na lâ.

3.  (3) Fango tënë na ando so azo ayeke dä mingi: Cadre so andu fango tënë na présentoire, guengo na aplace ti dengo buze, fango tënë na lege, na yâ ti aparc, na aplace so a-oto ayeke luti dä, wala na ndo kue so a peut ti wara azo dä.

 14. Sarango kua na avidéo nga na ambeti: A dépend na aye ni, mbeni élève apeut ti fa mbeni vidéo wala mbeni mbeti. Tongana na yâ ti devoir ti élève ni vidéo ayeke dä, lo doit ti sara tënë ti vidéo ni nga lo sara lisoro na ndö ni, me lo yeke fa vidéo ni na zo ni na temps ti devoir ni ape.

15. Na peko ti bia, a yeke wara na yâ ti mbage so a sara penze-ngbonga 15 mbeni mbage oko wala use so ndani ayeke ti mû maboko na azo so aga ti sara ye alingbi na ye so Bible afa. Tongana a fa mbeni ye nde ape, a doit ti mû ambage ni so na a-ancien wala na awakua ti mungo maboko so alingbi. Me ti mbage so andu bezoin ti congrégation, a yeke mû ni gï na mbeni ancien. Ti mbage so ayeke lisoro, ita-koli so amû li ni apeut ti sara kua na ahundango tënë so ayeke na yâ ti mbage ni so nga na ambeni hundango tënë nde. Lo doit ti tënë akozo tënë ti lo nduru tongaso si lo zia ngoi mingi ti sigi na akota tënë ti mbage ni so kue nga ti tene aita akiri tënë. Tongana interview ayeke na mbage ni so, a yeke nzoni ita so ayeke sara interview ni na lo aga na ndö ti estrade, tongana lege ayeke dä, ahon ti ngbâ na place ti lo.

  16. Mandango Bible ti Congrégation: Penze-ngbonga 30. A doit ti mû mbage so na mbeni ancien so alingbi. (Tongana a-ancien ayeke mingi ape, a peut ti mû mbage so na awakua ti mungo maboko so alingbi tongana bezoin ni ayeke dä.) Bungbi ti a-ancien adoit ti soro ala so alingbi ti tene ala mû li ni na Mandango Bible ti Congrégation ni. A yeke nzoni aita so a soro ala so amû li ni nzoni si ala hon pëpe ngoi so a zia ndali ni; ala gboto lê na ndö ti akota versê ni nga ala mû maboko na azo kue ti bâ so a yeke nzoni ti tene ala sara ye alingbi na aye so ala manda. Ala so amû ala ti mû li ni ayeke wara ye ti nzoni tongana ala kiri abâ ambeti so asigi na ni so afa tongana nyen ti sara ambage so andu hundango tënë na kiringo tënë (w23.04 l. 24, encadré). Tongana lo hunzi mbage so a doit ti bâ na yâ ti yenga ni so kue nzoni awe, lo bezoin ape ti gboto yâ ti mandango ye ni senge senge. Tongana lege ayeke dä, a yeke nzoni a soro a-ancien nde nde ti mû li ni yenga oko oko, nga na aita nde nde ti diko aparagraphe ni. Tongana président ti bungbi ti Kusala ti e nga na gigi ti e ahunda ti tene a kiri na mandango ye ni nduru, ita so ayeke mû li ni ayeke bâ tongana nyen ti sara ni. Lo lingbi ti soro ti tene a diko ambeni paragraphe ape.

17. Penze-ngbonga 3. Président ti bungbi ti Kusala ti e nga na gigi ti e ayeke kiri ande mbilimbili na ndö ti ambeni kota tënë so a manda. A lingbi lo fa nga ye so a yeke bâ na yenga ti peko. Tongana ngoi angbâ, lo peut ti fa iri ti a-élève so ayeke na adevoir na yenga ti peko. Tongana a fa mbeni ye nde ape, a lingbi président ni atene atokua wala lo diko alettre so ayeke important na congrégation na yâ ti atënë ti lo ti nda ni. A doit ti tene ape atokua na ndö ti aye so a yeke sara ka lakue, na tapande tokua ndali ti fango tënë, programme ti nettoyage, me a lingbi a zia ni na tableau. Tongana président ni abâ so ngoi ayeke mingi ape ti sara ambeni tokua wala ti diko ambeni lettre na congrégation, lo doit ti gi ti wara mbeni ngoi wala lo hunda na aita so ayeke sara mbage Gigi ti e ti Chrétien ti tene ala zia na lo mbeni mbage ti ngoi ti ala kete. (Bâ  paragraphe 16 na  19.) Bungbi ni ayeke hunzi na bia nga na sambela.

18. Na peko ti devoir ti a-élève oko oko, président ti bungbi ti Kusala ti e nga na gigi ti e ayeke na penze-ngbonga oko tongaso ti gonda a-élève ni nga ti mû wango na ndö ti point so amû na lo. Tongana lo iri mbeni élève ti sara devoir, lo yeke fa point so élève ni ayeke sara kua na ndö ni ape. Me, tongana élève ni ahunzi devoir ni awe, nga lo gonda élève ni na peko ni awe si lo yeke fa point so élève ni asara kua na ndö ni. Lo yeke fa tongana nyen la élève ni asara ye alingbi na point ni wala na nzoni bê lo yeke fa ngbanga ti nyen la a yeke nzoni élève ni akiri asara kua na point ni so. Président ni apeut ti sara tënë na ndö ti ambeni mbage ti démonstration ni tongana lo bâ so apeut ti ga na ye ti nzoni na élève ni wala na azo so aga. Na lege ti brochure Ndoye azo nga na brochure Fango ye wala buku Ekole ti Kusala, lo peut ti mû ambeni wango ti kpengba élève ni gï ala use wala na mbeni ngoi nde; lo yeke mû wango ni na ndö ti point so a mû na élève ni wala na ndö ti mbeni point nde.—Ti wara ambeni sango na ndö ti kua ti surveillant ti bungbi ti Kusala ti e nga na gigi ti e nga na kua ti use wamungo wango, bâ  paragraphe 19,  24, nga na  25.

19. A lingbi devoir wala awango so président ni ayeke mû ahon ngoi so a mû ndali ni pëpe. Atâa so a zia na terê ti mbage oko oko ngoi so adoit ti sara na ni na yâ ti Mbeti ti Bungbi: Kusala ti e nga na gigi ti e ti Chrétien, tongana a sara mbage ni so kue si ahunzi kozo na ngoi so a zia ti sara na ni so, a bezoin ape ti gboto yâ ti mbeni mbage senge senge ti lingbi na ngoi ni. Tongana mbeni ita ahon ngoi so a mû na lo, a lingbi use wamungo wango ni amû wango na lo, me na lê ti azo ape. (Bâ  paragraphe 24 na  25.) A doit ti sara bungbi ni kue gï na yâ ti ngbonga 1 na penze-ngbonga 45; abia na asambela kue ayeke na yâ ni.

 20. Tongana congrégation ni ayeke na vizite ti surveillant ti circonscription, kapa ti bungbi ayeke tambela tongana ti so ayeke na yâ ti Mbeti ti bungbi: Kusala ti e nga na gigi ti e. Me achangement ni ayeke so: Surveillant ti circonscription ni ayeke mû diskur ti kusala ti penze-ngbonga 30 na place ti Mandango Bible ti Congrégation so ayeke na yâ ti mbage Gigi ti e ti Chrétien. Kozo ti tene président ti bungbi ti Kusala ti e nga na gigi ti e airi surveillant ni, lo yeke sara tënë kete na ndö ti kapa so alondo ti hon so, lo yeke fa nga ye so a yeke bâ na yenga ti peko; lo yeke sara ambeni tokua nga lo yeke diko ambeni lettre tongana bezoin ni ayeke dä, na pekoni awe lo yeke tisa surveillant ti circonscription ni. Na peko ti diskur ni, surveillant ti circonscription ni ayeke hunzi bungbi ni na mbeni bia so lo soro. Lo lingbi ti hunda na mbeni ita ti hunzi bungbi ni na sambela. Na ngoi ti vizite ti surveillant ti circonscription, a yeke sara pëpe adevoir na yâ ti ambeni salle. Tongana groupe ti mbeni yanga ti kodro nde ayeke na yâ ti oko congrégation ni, azo ti groupe ni ayeke ngbâ ti sara abungbi ti ala même na ngoi so surveillant ti circonscription ayeke sara vizite na congrégation ni. Me, a yeke nzoni groupe ni abungbi oko na congrégation ni na ngoi ti diskur ti kusala ti surveillant ti circonscription ni.

21. Tongana congrégation ni ayeke na kota bungbi ti lango oko wala ota, a yeke sara ande abungbi na yenga ni so ape. Zo oko oko alingbi ti sara ambage ti bungbi ti yenga ni na ngoi ti mandango ye ti lo wani wala na sewa.

22. Tongana Mémorial atï na mbeni lango ti milieu ti yenga ni, a yeke sara pëpe bungbi ti Kusala ti e nga na gigi ti e.

23. Mbeni ancien so bungbi ti a-ancien asoro lo la ayeke sara kua tongana surveillant ti bungbi ti Kusala ti e nga na gigi ti e. Kua ti lo ayeke ti bâ si bungbi ni atambela nzoni nga a sara ye alingbi na awango so ayeke na yâ ti mbeti so. A lingbi lo na use wamungo wango ni amä terê nzoni. Gï na ngoi so surveillant ti bungbi ni awara Mbeti ti bungbi: Kusala ti e nga na gigi ti e, lo yeke kangbi ambage ti bungbi ti nze use kue na aita. So ti tene lo yeke sara programme ti ambage so ayeke nde na adevoir ti a-élève nga na ti aprésident ti bungbi ti milieu ti yenga so lo soro ala na popo ti ala so bungbi ti a-ancien ayeda na ala nga lo yeke sara programme ti adevoir ti a-élève. (Bâ  paragraphe 3-16 na  24.) Na ngoi so lo yeke kangbi adevoir na a-élève ni, lo doit ti gi ti bâ ngu ti ala, aye so ala hinga, nga ti bâ si ita so lo yeke mû na lo devoir ni so ayeke zo so apeut ti sara mbage ni so polele sân ti tene mbeni ye adérangé lo dä. Lo doit ti sara nga tongaso na ambage kue ti bungbi ni. A doit ti kangbi na azo kue mbage so ala yeke sara yenga ota tongaso kozo na lango ti sarango ni. A doit ti sara kua na fiche Devoir na ngoi ti bungbi Kusala ti e nga na gigi ti e ti Chrétien (S-89) ti kangbi devoir na a-élève. Surveillant ti bungbi ti Kusala ti e nga na gigi ti e adoit ti bâ si a zia na tableau mbeni copie ti kapa ti bungbi ni kue. Bungbi ti a-ancien apeut ti soro mbeni ancien nde wala mbeni wakua ti mungo maboko ti aidé lo. Me gï a-ancien la adoit ti kangbi ambage so ayeke nde na adevoir ti a-élève.

24. Yenga oko oko, mbeni ancien ayeke sara kua tongana président ti bungbi ti Kusala ti e nga na gigi ti e. (Tongana a-ancien ayeke mingi ape, a lingbi ti mû kua ni so na awakua ti mungo maboko so alingbi, tongana bezoin ni ayeke dä.) Lo la lo yeke leke atënë ti tongo nda ni nga na atënë ti nda ni. Lo la lo yeke iri aita oko oko ti sara ambage ti ala, nga tongana a-ancien ayeke mingi ape, lo peut ti sara ambeni mbage ti bungbi ni, mbilimbili ati so a hunda ti zia vidiéo me so a yeke sara lisoro na ndö ni ape. Acommentaire so lo yeke sara na peko ti ambage oko oko adoit ti duti tâ nduru. Bungbi ti a-ancien la ayeke gi ti bâ a-ancien wa la alingbi ti sara kua ni so. A-ancien so alingbi la ayeke sara kua ti aprésident ti bungbi ni ngoi na ngoi. A lingbi na bezoin ti ndo ni, surveillant ti bungbi ti Kusala ti e nga na gigi ti e apeut ti sara kua tongana président ti bungbi ni fani mingi ahon ambeni mba ti lo a-ancien ni so a soro ala. Tongana mbeni ancien alingbi ti mû li ni na Mandango Bible ti Congrégation, lo lingbi nga peut-être awe ti sara kua ti président ti bungbi ni. Me ala girisa ape so, a ku na mbage ti ancien so asara kua tongana président ti bungbi ni ti sara ye na ndoye, ti gonda a-élève ni nga ti mû wango na ala. Nga, président ni ayeke bâ si bungbi ni ahunzi na l’heure. (Bâ  paragraphe 17 na  19.) Tongana président ni aye, nga si place ayeke dä na ndö ti estrade, a peut ti zia mbeni micro na lutingo ni ti tene lo luti na devant ni si lo iri zo oko oko so ayeke ga ti sara mbage ti lo nga na oko ngoi ni zo ni ayeke gue ti luti ti lo na pupitre. Nga, tongana président ni aye lo lingbi ti duti na terê ti mbeni table na ndö ti estrade ni na ngoi so élève so ayeke diko Bible ayeke sara devoir ti lo nga na ngoi so a-élève ayeke sara adevoir ti ala na yâ ti mbage Maï akode ti fango tënë ti mo. Ye so asara si l’heure ayeke hon senge senge ape.

25. Mingi ni, a yeke nzoni use wamungo wango ni aduti mbeni ancien so ayeke na nzoni kode ti mungo diskur. Tongana bezoin ni ayeke dä, lo yeke mû wango na a-ancien nga na awakua ti mungo maboko, me na lê ti azo ape. Lo yeke mû wango ni na ndö ti ambage so a mû na ala ti sara, na tapande ambage nde nde ti bungbi ti Kusala ti e nga na gigi ti e, adiskur, mungo li ni na ngoi ti Mandango Tour ti Ba Ndo wala dikongo ni wala Mandango Bible ti Congrégation. (Bâ  paragraphe 19.) Tongana a-ancien so ayeke mû diskur nzoni nga ayeke fa ye nzoni ayeke mingi na yâ ti congrégation ni, a peut ti soro ala nde nde ti sara kua tongana use wamungo wango ngu oko oko. A yeke kota ye ape ti mû awango na peko ti ambage oko oko kue ti bungbi ni.

26. Na yâ ti acongrégation so wungo ti a-élève ayeke mingi, a-élève ni alingbi ti sara adevoir ti ala na yâ ti ambeni salle nde. Salle oko oko adoit ti duti na mbeni wamungo wango so alingbi; a yeke nzoni a duti mbeni ancien. Tongana bezoin ni ayeke dä, mbeni wakua ti mungo maboko so alingbi si apeut ti sara ni. Bungbi ti a-ancien la alingbi ti décidé ti bâ zo wa la apeut ti sara ni nga ti bâ si a sara ni na changengo mba na peko ti terê. Wamungo wango ni ayeke sara ye alingbi na wango so ayeke na  paragraphe 18. A yeke hunda na a-élève ni ti gue na salle ni na peko ti mbage Gi anzoni ye so ayeke na yâ ti Bible. Ala doit ti kiri na yâ ti Da ti Royaume na peko ti dangba devoir ti élève.

27. A yeke zia ande avidéo so a soro ni kozo awe so ague oko na bungbi ni ti tene azo abâ. A yeke wara avidéo ti bungbi ti milieu ti yenga na ndö ti application JW Library® nga zo apeut ti bâ ni na ndö ti a-appareil nde nde.

© 2023 Watch Tower Bible and Tract Society of Pennsylvania

S-38-SG 11/23