WÅRHËT woo oiwer? Oiwer wek wichtig frågen wat dai lüür sich al måkt häwe. Taum bijspeel, filaicht häst duu dij al frågt:

• Macht God sich wirklig bekümre oiwer oos?

• Dai krijg un dai nood, macht dat ais al ware?

• Wat passijrt nå dem dood?

• Giwt dat ain hofnung for dai doore?

• Wat mud ik måke dat God mij gebeed höört?

• Wat mud ik måke dat mij leewent fröölig is?

Woo kast duu dai antwooren fijne for dës frågen? Wen’s duu feel sort lüür fråge däist, den häst duu feel sort antwooren. Soogår dai religioonschefs un dai wat üler sin geewe dij antwooren wat ni t’hoopstime.

Åwer dat giwt air bauk woo wij dai antwooren fijne. In dem bauk stët dai wårhët. In ain gebeed hät Jësus Kristus tau God sägt: ‘Dij woord is dai wårhët’. (João 17:⁠17) Hüüt kene wij dat woord soo as dai Hailig Sriwt. Up dai sijrer foirweg sai wek antwooren ine Bijbel for der frågen wat båwen ståe.

WOWEEGEN DAUE WEK SICH DËS FRÅG MÅKE: Wij leewe in aine wild ful slechtigkët un ungerechtigkët. Feel religioone daue inlëre dat wat wij uut­hule daue is God sij wile.

WAT DAI BIJBEL SÄGT: Dai slechtigkët kümt ni fon God. In Jó 34:10 stët: ‘Dai wår God däir ais nij måke wat slecht is, un dai Almächtig däir ais nij måke wat forkërd is!’ God hät upwårt sër wat faines for dai lüür. Dårweegen hät Jësus oos beere lërt: ‘Oos Fåter im himel,  . . . dij Regirung schal kåme, dij wile schal måkt ware soo as im himel, uk upe Ër.’ (Mateus 6:9, 10) God däit sich soo oiwer oos bekümre, dat hai sich sër anstrengt hät dat sij wile måkt wart. — João 3:16.

Lees uk Gênesis 1:⁠26-28; Tiago 1:⁠13 un 1. Pedro 5:⁠6, 7.

WOWEEGEN DAUE WEK SICH DËS FRÅG MÅKE: Feel lüür kåme nog ümer dood im krijg. Jërer ainsig fon oos hät al wat slimes mitmåkt.

WAT DAI BIJBEL SÄGT: God sägt dat hai bald der freere bringe däit oiwer dai gans Ër. Uuner sij Regirung, wat im himel is, dai lüür ‘daue ni mër der krijg lëre’. Airer daue sai ‘eer metser wat scharp is up twai kante taum pluigmetser klope’. (Isaías 2:⁠4) God mökt dat al ungerechtigkët un nood ën häwe. Ine Bijbel stët: ‘[God] däit jërer trån fon dijn oogen afwische, un dai dood wart ni mër sin, kain traurigkët, kair hüülen, kain waidåg. Dai airste daile [uk dai ungerechtigkët un al nood wat hüüt geewe daue] sin forbij. — Apocalipse 21:⁠3, 4.

Lees uk Salmo 37:⁠10, 11; 46:⁠9 un Miqueias 4:⁠1-⁠4.

WOWEEGEN DAUE WEK SICH DËS FRÅG MÅKE: Dai mëste religioone daue inlëre dat in dem mësch wat is, wat nå dem dood wijrerleewe däit. Wek daue glööwe dat dai doore, dere wat leewe daue wat schåre koine. Dai religioone daue uk inlëre dat God dai slechte up ümer ine höl stråwe däit.

WAT DAI BIJBEL SÄGT: Nå dem dood, sin dai lüür ni mër. ‘Dai doore  . . . daue nischt mër waite’, sägt Eclesiastes 9:⁠5. Dai doore waite nischt, forneeme nischt uk koine nischt måke, dårweegen koine sai der leewige nischt schåre un ni mithelpe. — Salmo 146:⁠3, 4.

Lees uk Gênesis 3:⁠19 un Eclesiastes 9:⁠6, 10.

WOWEEGEN DAUE WEK SICH DËS FRÅG MÅKE: Wij wile leewe. Wij wile oos leewent benutse t’hoop mit dere wat wij lijbe daue. Soo den, wij ale wile werer saie dai lijbe lüür wat al dood sin.

WAT DAI BIJBEL SÄGT: Dai mëste lüür wat al dood sin ware upwökt. Jësus hät forspråke: ‘Dai wat in dai grääwer sin  . . . daue ruuterkåme.’ (João 5:⁠28, 29) Dai wat upwökt ware, daue den im Paradijs upe Ër leewe, soo as God sij wile fom anfang wäir. (Lucas 23:⁠43) Den ale wat God sijne wile måke, daue gans gesund sin un leewent up ümer häwe. Dai Bijbel sägt: ‘Dai gerechte ware dai ër besite un ware dår ümer up leewe.’ — Salmo 37:⁠29.

Lees uk Jó 14:⁠14, 15; Lucas 7:⁠11-17 un Atos 24:⁠15.

WOWEEGEN DAUE WEK SICH DËS FRÅG MÅKE: Lüür fon dere mëste religioone daue beere. Åwer feel daue denke eer gebeede ware ni antwoortert.

WAT DAI BIJBEL SÄGT: Jësus hät oos lërt ni dai selwige wöör nåsäge. Hai sägt: ‘Wen’s duu beere däist, säg ni ümer mål oiwer mål dai selwige wöör.’ (Mateus 6:⁠7) Wen wij wile dat God oos gebeed höört, den muide wij beere soo as God dat wünscht. Dårtau muide wij kenalëre wosoo God sij wile is. Un den, dårnå beere. In 1. João 5:⁠14 stët: ‘Dat kan sin wat is, wat wij em bire, wat mit [God] sijn wile t’hoopstimt, hai däit oos hööre.’

Lees uk Salmo 65:⁠2; João 14:6, 14 un 1. João 3:⁠22.

WOWEEGEN DAUE WEK SICH DËS FRÅG MÅKE: Feel lüür denke dat gild, bekand un fainigkët bringt eer frööligkët. Soo daue sai sich anstrenge taum dat krijge — un wen sai dat häwe, forspoire dat sai ni fröölig sin.

WAT DAI BIJBEL SÄGT: Jësus hät weese wat wår frööligkët bringe däit. Hai hät sägt: ‘Fröölig sin dai wat God sij woord hööre un dat forwåre.’ (Lucas 11:⁠28) Taum wirklig fröölig sin, muide wij sride pere taum krijge wat muss for oos is: waite dai wårhët oiwer God un wat hai for oos forwårt. Dës wårhët stët ine Bijbel, un dai kenalëre helpt oos taum for­ståe wat wichtig is, urer ni. Wen wij låte dat dai wårhët fone Bijbel lenkt wat wij uutsuike un wat wij måke, den hät oos leewent wërd. — Mateus 5:⁠3.

Lees uk Provérbios 3:⁠5, 6, 13-18 un 1. Timóteo 6:⁠9, 10.

 Dit sin söss kord antwooren fone Bijbel. Wist duu gërn nog mër waite? Wen’s duu kenst dat God sij Woord muss for dij is, is sicher dat dij antwoort jå is. Amin häst duu nog andrer frågen soo as: ‘Wen God sich oiwer dai lüür bekümre däit, woweegen däit hai soo feel slechtigkët un slimigkët up soo’n lang tijd erlaube? Wosoo kan mij leewent ine famijlg beeter ware?’ Dai Bijbel hät genau antwooren tau dës un feel andrer frågen.

Åwer feel lüür hüüt leese ni dai Bijbel. Sai denke dat bauk is tau groot un swår taum for­ståe. Wist duu gërn ain hülp häwe taum dai antwooren ine Bijbel ruuterfijne? Jehovaas Tüügen daue dij twai helpen anbaire.

Airst: Dat heft God hät Gaure Nijges tau Dij!, wat sreewe woore is taum dai antwooren ine Bijbel ruuterfijne. Twait: Ain bijbelstuun wat ümsüss is. Ain Tüüge fon Jehovaa kan nå dij huus kåme urer up ain anerd stel woo duu wist, un jërer week pår minuute mit dij oiwer dai Bijbel fortele. Dës bijbelstuun hät al miljone lüür ine ganse wild mithulpe. Feel sin sër fröölig woore un häwe sägt: “Ik häw dai wårhët ­fuune.”

Dår is nischt mit gröter wërd taum fijne. Dai wårhët fone Bijbel mökt oos frai fon åpegloobe, unruig sin un fon groot angst. Dai wårhët giwt oosen leewent wërd, hofnung un fruir. Jësus hät sägt: “Jij daue dai wårhët kene, un dai wårhët däit juuch fraimåke.” — João 8:⁠32.