Ang’o Madwarore Mondo Joot Odag gi Mor kod Kuwe?
Dibed ni en . . .
-
hera?
-
pesa?
-
koso gimoro machielo?
DWOKO MA MUMA CHIWO
“Jo mamor gin jogo ma winjo wach Nyasaye kendo timo!”—Luka 11:28, Muma Maler—Loko mar Piny Manyien.
KAKA WACHNO NYALO KONYI
Nyiso hera madier.—Jo-Efeso 5:28, 29.
Bedo gi luor matut.—Jo-Efeso 5:33.
Bedo gi winjruok maber.—Mariko 10:6-9.
BE WANYALO BEDO GADIER GI GIK MA MUMA PUONJO?
Ee, nikech weche kaka ma luwogi:
-
Nyasaye e ma nochako ngima mar joot. Muma wacho ni Jehova Nyasaye ema noriwo dichwo gi dhako mokwongo. (Chakruok 2:18-24) Mano nyiso ni Jehova e ma nochako ngima mar joot. Ng’eyo wachno nyalo konyowa nade?
Par ane ranyisini: Wawach ni ichamo chiemo moro mamit to diher ng’eyo kaka itede, en ng’a minyalo penjo mondo onyisi kaka ilose? Donge ber kipenjo mana ng’at ma otede?
Kamano bende, mondo wang’e kaka wanyalo miyo ngima mar joot obed mamor, onego wapenj mana Jehova, ma e Jal ma nochako chenro mar joot.
-
Nyasaye oherowa. Joot onego omany paro ma Jehova Nyasaye miyogi kokalo kuom Muma. Nikech ang’o? Nikech Nyasaye ‘dewowa.’ (1 Petro 5:6, 7) Jehova dewowa ahinya kendo kinde duto puonjge konyo!—Ngeche 3:5, 6; Isaya 48:17, 18.
TEM ANE DWOKO PENJONI
Ang’o minyalo timo mondo ibed dichwo maber, dhako maber, kata janyuol maber?
Ne ane dwoko ma Muma chiwo e ndiko mag JO-EFESO 5:1, 2 kod JO-KOLOSAI 3:18-21.
Samoro Inyalo Hero Magi Bende
DWOKO PENJO MA JI NIGO E WI MUMA
Be Muma Nyalo Konya Bedo gi Ngima Mamor mar Joot?
Puonj mag Muma osekonyo ji mathoth mondo gibed gi ngima mamor mar joot.
NENURU!
Joot Modak gi Kuwe—Tiyo Kanyachiel
Dibed ni inenoga jaodi mana kaka ng’at ma idakgo e ot achiel, to ok kaka ng’at ma ikendorigo?
WECHE E WIWA
Ang’o Momiyo Onego Ipuonjri Muma?—Vidio Duto
Muma osekonyi ji tara gi tara e yudo dwoko mag penjo ma machando pach ji e pinyni. Be diher ni in be Muma okonyi?
WECHE E WIWA
Kwa Mondo Opuonji Muma Nono ma Onge Chudo
Yud puonjruok Muma ma onge chudo e sa mowinjore kodi kendo e kama ihero.
