“Ohe Oluhye a kpa angịnyị ehe bwula Olegu Ịgọgọ nyamwụ da ẹla myị́ ẹla ọlẹpwụ nya Ụpwụ Ịgọgọ lẹ.”—2 ITimoti 3:16, ỊBayịbụụ nya Ohe Oluhye.

A ka ye ọwẹwẹ nya ịtọ ẹla ịlẹ kị baba ẹ-ẹpwụ nya ọhịhị.—Etu 2:1-5.

A ka ye ọmẹjẹ i-ju apyobwuna ẹ-ẹpwụ nya ahyẹẹnụ ọnyị myị́ ọnyị.—Eje Ọnyịịla 119:105.

A ka lahị ọdahile nya ijuju ọnyịịla. —Ala iRom 15:4.

Ee, u-uhye nya ahị nya ẹla ịta:

• Ọ-myị ọnụ ju awụlẹ. Ụka ọlẹ kị kpa da ịBayịbụụ wuu kpoye nya ẹka ụnọ da ohu ịrwọnyẹ (1,600). Angịnyị ịdatị-datị iwo-ine (40) a da ịBayịbụụ lẹ. Iru nyaa á jẹ awụlẹ ka. Ma, ẹla ọlẹ kị tị da myị ọnụ ju awụlẹ. Ọ tị la egbeju nya ẹla ookpokpo.

• Ego ọkpẹẹkpẹẹ. Angị gbe ego á myị ya abyị nyaa bala ọdẹwụ-dẹwụ nya ẹpwụma nyaa kpong-kpong ka. Ma angị da ịBayịbụụ ya ị-họ ịtịpyọ nyaa bala ịnya ẹpwụma nyaa.—2 Ego Ogbegbe 36:15, 16; Eje Ọnyịịla 51:1-4.

• Ọmwụ ọyẹyẹ nyịlẹhị. Ẹka ụnọ imiiye (2,000) kịlahị, ịBayịbụụ yẹ ọmwụ nọ eji u-uhye nya ayịreji ọtata nya epweji nya ịBabịlọn onyogo. (Ayịsaya 13:17-22) Ọ́ ya dodehe abwọlẹ kị ka ta ịBabịlọn ayịreji kem ka, ma ọ gu ẹnyị nya ọngọlẹ kọ ka kụrụ epweji ọọwa.—Ayịsaya 45:1-3.

  Iru nya ọmwụ ọyẹyẹ ịkịla họ chọnụ ẹ-ẹpwụ nya ịBayịbụụ gbee ka pwụ ịlẹ kị byẹhị gụgụụgụ wuu. Ịịwẹ ahị me irya ká Omyi Ẹla nya Ohe ka la ka?—2 IPita 1:21.