« Yálá lawoo hɛɓɛ hu woo kəlee ə həɠə Yálá yəi. » — Timɔtə veelɛnaa 3:16.

Yɛnɛɛ ŋɔ maaləngɛ kpəa-kpəaɠaa mukulaa kɔlɔnŋaa. — Haŋɔn 2:1-5, Traduction du monde nouveau.

Ə́ wɔ yɛnɛɛ tənən dɔɔ mɛni a nɛlɛɛ holo kəlee. — Somə 119:105, TMN.

Kilitɔɔmaa laa kpɔkpɔ yɛ hwilɛn na yɛnɛɛ dɔwɔ pələ ɓa.— Rɔmu 15:4.

Mɛni haaɓa maa mɛni ɓa :

• Ŋɔ yee lɔ gee. Nu pou naan (40) mə wɔlɔ Biblə pɛɛn, kwəlan nwaa-tɔnɔ pulu nwun-mɛida (1600) yee mu. Mɔlɔɓəlaa di ho di kee kaa. Kəlaa, Biblə hu wooɠaa kəlee kaa hwilɛn ɉii mɛni tɔnɔ ɓa.

• Bɛɛn nua təlimoɔ kɛ. Pɔlɔ kiliin nua di wɔ lɔi hu lonnii da hwɛɠɛ kɔ ɓa, di hwa yili kulɔ ponoŋa. Kəlaa Biblə pɛɛn nua di wɛi, di təlimoɔ kɛ, da di kpɔɔ hɔn mo, di pənə di di wɔ lɔi hu nua hɔn mo. — Kolonikə veelɛnaa 36:15, 16, TMN ; Somə 51:1-4, TMN.

• Ŋɔ lolowooɠaa kaa a təɲa. Biblə ə wɔlɔ kwəlan nwun-mɛihweelɛ (700) lɛɛ tɔwɔ, yɛ Zesu kaa mɛni ɓo, bətələhɛmu daai, Zudee lɔi hu. (Mika 5:2, TMN). Minɛ kpɔkpɔ ɓə di Zesu kaa laa ? Lə mɛni ɓa di gaa daa tii hu ? — Matie 2:1-6.

  Nolowooɠaa Biblə hui, damaa laa aa hwɛɛ. Kɛlɛɛ pələ ɓə maanɛɛ Yálá lawoo ə kɛ la ? — Piɛli veelɛnaa 1:21.