JAABI jumɛnw kan? Ɲininkaliw kan i ko ninnu:

• Yali Ala b’a janto an na tigitigi wa?

• Yali kɛlɛ ni tɔɔrɔkow bɛna ban don dɔ la wa?

• Mun bɛ saya kɔfɛ?

• Yali don dɔ la mɔgɔ salenw bɛna lakunun wa?

• An bɛ se ka delili kɛ cogo di ani Ala k’an lamɛn?

• An bɛ se ka hɛrɛ sɔrɔ ɲɛnamaya kɔnɔ cogo di?

O ɲininkaliw nafa ka bon kosɛbɛ. Mɔgɔ caman ye o ɲininkaliw kɛ u yɛrɛ la ka tɛmɛ. A bɛ se ka kɛ i delila ka o ɲininkaliw kɛ i yɛrɛ la.

I bɛ se ka o ɲininkali wɔɔrɔ jaabiw sɔrɔ min? Gafe camanba b’a fɔ ko o ɲininkali jaabiw bɛ u bolo. Gafe ninnu bɛ sɔrɔ ­gafemarayɔrɔw la walima gafe feereyɔrɔw la. Nka tuma dɔw la, o gafe dɔ bɛ dɔ sɔsɔ. Dɔw bɛ yen olu ye waati ko ye. Nka u bɛ tila ka tɛmɛ joona ani waati dɔɔnin kɔnɔ u bɛ yɛlɛma don o kɔnɔ walima k’a falen.

Nka gafe dɔ bɛ min bɛ jaabiw di an ma an bɛ se k’an jigi da min kan. O gafe bɛ tiɲɛ dɔrɔn de fɔ. Yesu Krisita ka Ala delili dɔ kɔnɔ, a ye nin fɔ: “I ka kuma ye tiɲɛ ye.” (Yuhana 17:17) Bi, an bɛ o kuma­kan in dɔn i ko Bibulu Senuma. Nin sɛbɛndennin kɔnɔ i bɛna teliya k’a ye jaabi jɛlenw ani tiɲɛmaw minnu Bibulu b’a di.

MUNNA NIN ƝININKALI KƐRA: An bɛ ɲɛnamaya la diɲɛ min kɔnɔ, a falen bɛ farinya ani tilenbaliya kow la. Diinɛ caman b’a fɔ ko an ka tɔɔrɔ kow ye Ala ka sago ye.

BIBULU BƐ MIN FƆ: Juguya sababu tɛ bɔ Ala yɔrɔ abada. “Ala lakika ni kojugu kɛli cɛ ka jan, i ko sebaayabɛɛtigi ni tilenbaliya cɛ ka jan cogo min na” i ko a fɔlen bɛ Job 34:10, NW kɔnɔ. Kuntilenna min falen bɛ kanuya la bɛ Ala bolo ka ɲɛsin hadamadenw ma. O de kosɔn Yesu ko an ka delili kɛ tan ko: “An fa min bɛ sankolo la, . . . i ka masaya ka na. I sago ka kɛ dugukolo kan i ko a bɛ kɛ sankolo la cogo min na.” (Matiyu 6:9, 10) Ala b’a janto an na fo a ye fɛɛrɛ belebelebaw tigɛ walasa a ka kuntilenna ka se ka tiimɛ, siga tɛ a la.—Yuhana 3:16.

Ka lajɛ fana Genɛse 1:26-28; Yakuba 1:13 ani 1 Piɛre 5:6, 7.

MUNNA NIN ƝININKALI KƐRA: Kɛlɛ bɛ ka taa a fɛ ka mɔgɔ dandɔnbali faga. Tɔɔrow sera an bɛɛ ma.

BIBULU BƐ MIN FƆ: Ala ye layidu ta ko waati dɔ bɛ na a bɛna hɛrɛ sigi dugukolo bɛɛ kan. A ka sankolo masaya mara kɔnɔ, “mɔgɔ si tɛna dege kɛlɛ kow la tun.” Nka “u na u ka npanw faga ka kɛ misidabaw ye.” (Esayi 2:4) Ala bɛna tɔɔrɔkow ani tilenbaliyakow bɛɛ ban. Bibulu ye layidu ta ko: “[Ala] na ɲɛji bɛɛ cɛ ka bɔ u ɲɛ la. Saya tɛna kɛ tun, su kasi fana tɛna kɛ tun, wala kasikan wala dimin, k’a masɔrɔ fɛn fɔlɔw [ka fara bi tilenbaliya kow ani tɔɔrɔ kow kan] tɛmɛnna.”—Jirali 21:3, 4.

Ka lajɛ fana Zaburuw 37:10, 11; 46:9 ani Mise 4:1-4.

MUNNA NIN ƝININKALI KƐRA: Diinɛ fanba b’a fɔ i salen kɔfɛ fɛn dɔ bɛ HS.15mɔgɔ la a bɛ to ɲɛnamaya la. Mɔgɔ dɔw dalen b’a la ko mɔgɔ salenw bɛ se ka kojugu kɛ ɲɛnamaw la walima Ala bɛ kojugukɛlaw jalaki ka u ɲangi ni tɔɔrɔ banbali ye jahanama tasuma kɔnɔ.

BIBULU BƐ MIN FƆ: Ni mɔgɔ sara a ka ɲɛnamaya banna pewu. “Mɔgɔ ­salenw tɛ foyi dɔn” i ko a fɔlen bɛ waajulikɛla 9:5 kɔnɔ. O la, u tɛ se ka foyi dɔn, dusukunnata ani kɛwalew, u niyɔrɔ si tɛ olu la tun. O de kosɔn, u tɛ se ka kojugu kɛ walima ka ɲɛnamaw dɛmɛ.—Zaburu 146:3, 4.

Ka lajɛ fana Jenɛse 3:19 ani Wajulikela 9:6, 10.

MUNNA NIN ƝININKALI KƐRA: A ka di an ye ka to ɲenamaya la, ani an bɛ o ɲɛnamaya min diyabɔ ko kɛ ni an diyanyemɔgɔ ye. A bɛnnen don an ka ŋaniya kosɛbɛ k’an ka mɔgɔ salenw ye tuguni.

BIBULU BƐ MIN FƆ: Mɔgɔ salen camanba bɛna lakunun. Yesu ye layidu ta ko “mɔgɔ salen minnu bɛ kaburuw kɔnɔ . . . u na bɔ yen.” (Yuhana 5:28, 29) Ka kɛɲɛ ni Ala ka kutilenna fɔlɔ ye, minnu bɛ lakunun i ko hadamadenw, se bɛna kɛ u ye ka ɲɛnamaya kɛ alijinɛ kɔnɔ dugukolo kan. (Luka 23:43) O kuma in kɔnɔ, layidu b’a kɔnɔ ko kɛnɛya dafalen ani ɲɛnamaya banbali bɛna sabati Ala kanminɛbaaw ye. Bibulu b’a fɔ ko: “Dugukolo na kɛ mɔgɔ tilennenw ciyɛn ye. U na sigi a kan badaa.”—Zaburu 37:29.

Ka lajɛ fana Job 14:14, 15; Luka 7:11-17 ani Kewalew 24:15.

MUNNA NIN ƝININKALI KƐRA: Mɔgɔw bɛ delili kɛ diinɛ fanba kɔnɔ. Nka caman dusukunnata la k’u ka deliliw tɛ jaabi.

BIBULU BƐ MIN FƆ: Yesu ye an kalan ko an kana taa ka segin kuma kelenw kan an ka deliliw kɔnɔ. “Ni aw bɛ Ala deli tuma min na,” a ye o fɔ, “aw kana segin kumaw kan ko caman fu.” (Matiyu 6:7) Ni an b’a fɛ Ala k’an ka deliliw lamɛn, an ka kan ka delili kɛ i ko a b’a fɛ cogo min na. O la, an k’a ɲini ka dɔn Ala sago ye min ye, o kɔfɛ ka delili kɛ ka kɛɲɛ ni o ye. Yuhana ka sɛbɛn fɔlɔ 5:14 b’a ɲɛfɔ ko: “Ni an ye fɛn dɔ deli a fɛ ka kɛɲɛ ni [Ala] sago ye, a bɛ an lamɛn.”

Ka lajɛ fana Zaburu 65:2; Yuhana 14:6, 14 ani 1 Yuhana 3:22.

MUNNA NIN ƝININKALI KƐRA: Mɔgɔ caman b’a miiri ko wari, tɔgɔtigiya, walima cɛɲa o bɛ se ka hɛrɛ lase u ma. O de kosɔn u bɛ tugu o fɛnw kɔ. Nka a laban na u bɛ n’a ye ko hɛrɛ taara k’u dan.

BIBULU BƐ MIN FƆ: Yesu ye hɛrɛ kɔnɛgɛ jira a kɛtɔ k’a fɔ ko: “Minnu y’a dɔn ko u ye faantanw ye Ala ta fan fɛ, olu ye dubadenw ye.” (Matiyu 5:3) Walasa ka hɛrɛ lakika sɔrɔ, hadamaden mago bɛ fɛn min na ka tɛmɛ fɛn tɔw bɛɛ kan fo a ka o mago fa: o ye ka Ala dɔn ani a kuntilenna. O tiɲɛ bɛ Bibulu kɔnɔ. O tiɲɛ dɔnniya bɛ se k’an dɛmɛ k’a dɔn nafa bɛ fɛn minna tigitigi ani nafa tɛ min na. Ni an y’a to o tiɲɛ min bɛ Bibulu kɔnɔ o k’an ɲɛminɛ an ka ko latigɛlenw ani an ka ko kɛtaw la o bɛna to an bɛ na nafa sɔrɔ min ka bon an ka ɲɛnamaya la.—Luka 11:28.

Ka lajɛ fana Ntalen 3:5, 6, 13-18 ani 1 Timote 6:9, 10.

 Nin ye cogo surunmanin bɛnnen ye Bibulu ka jaabiw kan ka ɲɛsin ɲininkali wɔɔrɔ ma. I b’a fɛ ka dɔ wɛrɛw dɔn wa? Ni i bɛ mɔgɔw cɛma “minnu y’a dɔn ko u ye faantanw ye Ala ta fan fɛ” siga t’a la i bɛ sɔn a ma. A bɛ se ka kɛ ɲininkali wɛrɛw bɛ i bolo, i ko nin ɲɔgon: ‘Ni Ala b’a janto an na, munna a b’a to juguman ani tɔɔrɔw ka to senna nin cogo la kabini lawale la fo sisan? Ne bɛ se ka dɔ fara n’ka denbaya ka ɲɛnamaya kɛ cogo ɲuman kan cogo di?’ Bibulu bɛ jaabi dafalen di ani min bɛ mɔgɔ wasa nin ɲininkaliw la ani o ɲɔgɔnna caman wɛrɛ.

Nka, bi bi in na mɔgɔw caman bɛ siga-siga ka Bibulu kɔnɔ sɛbɛnw kalan. U b’a jateminɛ i ko gafɛ belebeleba don min faamuya ka gɛlɛn tuma dɔw la. Yali a ka di i ye ka i dɛmɛ ka jaabiw sɔrɔ Bibulu kɔnɔ wa? Cogo fila bɛ Jehovah seerew bolo min bɛ se ka i dɛmɛ.

Fɔlɔ, gafe min ye Bibulu bɛ mun de fɔ tigitigi? kɛra ka mɔgɔw minnu ye waati bɛrɛ tɛ u bolo ka u dɛmɛ ka Bibulu jaabi jɛlenw sɛgɛsɛgɛ an ka ɲɛnamaya dulolen bɛ ɲininkali minnu na. Dɛmɛ fila nan ye Bibulu kalan bolodacogo min bɛ kɛ i ka so fu. K’a sɔrɔ a ma fɛn ɲini i fɛ, Jehovah Seere dɔ, i ni min bɛ sigida kelen na, min ye Bibulu ka­ramɔgɔ ɲuman dɔ ye, bɛ se ka na i ka so walima yɔrɔ wɛrɛ la min bɛ bɛn i yɛrɛ ma, ka waati dɔɔnin tɛmɛ dɔgɔkun o dɔgɔkun ka baro kɛ ni ye Bibulu kan. Mɔgɔ miliyɔn caman diɲɛ kɔnɔ u ye nafa sɔrɔ nin kalan bolodacogo la. HS-.15U caman ye kuma kuncɛ ni nisɔndiyaba ye ko: “Sisan, ne ye jaabiw sɔrɔ!”

O ɲɔgɔn nafoloba tɛ yen an bɛ se ka min sɔrɔ. Bibulu bɛ jaabi minnu di an ma o b’an hɔrɔnya dannako kunntan, hakili ɲaami, ani siranya kɔtigɛbali. A bɛ jigiya di an ma, kuntilenna, ani ni sɔndiya. Yesu y’a fɔ ko: “Aw na tiɲɛ dɔn, tiɲɛ na aw hɔrɔnya.”—Yuhana 8:32.