¿Kunas kusisit familianïñatakejj wakisi?
¿Kusisitäñatakejj...
-
... munasiñat utjañapa?
-
... qollqet munasi?
-
... kunach munasi?
¿KUNSA BIBLIAJJ YATICHI?
‘Khitinakatejj Diosan arunakap istʼapki phoqapkaraki ukanakaw kusisiñanïpjje’ (Lucas 11:28, Machaq Mundon Jakirinakataki).
¿KUNJAMSA UK YATIÑAJJ YANAPTʼÄTAM?
Cheqpach munasiñwa jikjjatäta (Efesios 5:28, 29).
Respetompiw familian uñjasipjjäta (Efesios 5:33).
Mayachtʼataw jakasipjjäta (Marcos 10:6-9).
¿KUNTÏ BIBLIAJJ YATICHKI UKAJJ CHEQAW SISSNATI?
Jïsa, uk pä toqet uñjañäni:
-
Diosaw familia uttʼayawayi. Nayrïr chacha warmirojj Jehová Diosaw mayachtʼi sasaw Bibliajj qhanañchi (Génesis 2:18-24). Ukhamajj Jehová Diosaw familia uttʼayirejja. ¿Kunatsa uk yatiñajj wakisi?
Amuytʼañäni, jumatï mä suma manqʼa manqtʼasisma ukhajja, kunanakampis manqʼajj phaytʼasiwayi ukjja, ¿janit yatiñ munkasma? Uk yatiñatakejj ¿janit manqʼa phayirir jisktʼkasma?
Kunanakatï familian kusisit jakasiñatak munaski ukjja, Jehová Diosar jisktʼañaw wakisiraki, jupaw familia uttʼayirejja.
-
Diosajj jiwasat llakisiwa. Jumatakisa familiamatakisa, Jehová Diosan ewjjtʼanakap Bibliat yatjjatañaw wali wakiskirejja, cheqas “jupajj jumanakat wal llakisi” (1 Pedro 5:6, 7). Jehová Diosajj wali sum jakasiñaswa muni. Ewjjtʼanakapajj askisatakiwa (Proverbios 3:5, 6; Isaías 48:17, 18).
LUPʼIÑATAKI
Suma esposöñatakisa suma esposäñatakisa jan ukajj suma awk taykäñatakis ¿kunsa lurasma?
Bibliankir aka textonakaw uka jisktʼar qhanañchi: EFESIOS 5:1, 2 ukat COLOSENSES 3:18-21.
Akanakajj inas gustarakiristam
¡SARTAPJJAÑÄNI!
Familian kusisita jakasiñatak ewjjtʼanaka
¿Kunsa esposonakasa, esposanakasa, awk taykanakasa, wawanakasa familian kusisit jakasipjjañapatakejj lurapjjaspa?
¡SARTAPJJAÑÄNI!
Familian sum jakasiña: Purapat yanaptʼasiña
¿Chacha warmjamat jakasipjjta, jan ukajj pachpa utan jakiri pä jaqjamakïpjjtcha?
NANAKJJATA
¿Kunatsa Bibliat yatjjatañama?
Bibliajj walja jaqenakan jisktʼanakaparuw qhanañchawayi, ¿jumajj ukanak yatiñ munarakismati?
NANAKJJATA
Maynimp visitayasiñataki
Biblia toqet parlañatakejj Jehová Diosan mä Testigopampiw visitayasisma jan ukajj gratisak Bibliat yatichayasiñatakejj aka formulario phoqantasma.
